Popular Bible Verses from 1 Biturusu 5

Share

Nekei Ka̱shile ili i na yi a kutakacika ɗa̱ ra̱ka̱ adama a na a̱yi wi ta̱ a̱ kula̱na̱ ɗa̱.

A ayin a na baci i soꞋi atakaci a ayin kenu, Ka̱shile n ka̱ci ka̱ ni wi ta̱ a kulapula ili, wi ta̱ a kuzuwa a̱ɗu a̱ ɗa̱ o okpo n utsura, ka̱ta̱ kpamu u zuwa ɗa̱ i shamgba mayin n utsura. U ci yaꞋan ta̱ nannai adama a na a̱yi wi ta̱ n ugaꞋin. U zuwa ɗa̱ ta̱ i uwa a̱ ubuta̱ u tsugbayin u ni u babu uteku, a ayin a na baci u ɓolongi ɗa̱ koɓolo n Kishi.

Yongoi a kindi tutu, ka̱ta̱ kpamu i yongo ufoɓushi ayin tutu. Kalijani† vurala vu ɗa̱ ɗa, wi ta̱ a̱ ka̱ka̱ra̱sa̱ an kawu a̱ kula̱nsa̱ vuza a na u kureme u takuma. Yongoi n utsura a̱ ubuta̱ wi ili i na i nekei ka̱ɗu, tsu nan lo ta na yi ta̱ a kufuɗa kushilika̱ n a̱yi n utsura u Ka̱shile. Ciɓai a na aza o Kutoni a̱ ubuta̱ dem a aduniyan i ta̱ feu o kusoꞋo icuꞋu ya atakaci i nam pa ya.

Adama a nannai, bonokoi ka̱ci ka̱ ɗa̱ babu a̱ra̱ɗi a̱ ubuta̱ wu utsura u Ka̱shile. Nannai ayin a na a gaꞋin a yawa baci, wi ta̱ a̱ kuɗengusa̱ ɗa̱ ka̱u.

A̱ɗa̱ a̱ɗenga̱ni, ushuki n tsugbayin tsu nkoshi m gba̱ra̱gba̱ra̱. Ra̱ka̱ vu ɗa̱ kpamu, i ɓa̱nka̱na̱i an agbashi a babu a̱ra̱ɗi, adama a na, “Ka̱shile ki ta̱ a tsurala n uma a na i n ugbamukaci, amma u ci neke ta̱ ugaꞋin u ni a̱ ubuta̱ u uma a na i babu a̱ra̱ɗi.”