Popular Bible Verses from ပျႃႇတိၵ်ႈ 16

Share

ၸဝ်ႈၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ “တူၺ်း​လူး။ ၵဝ်​မႃး​ၸိူဝ်ႉ​ၼင်ႇ​ၽူႈလၵ်ႉ​ဢေႃႈ။ ၵေႃႉ​ဢၼ်​တိုၼ်ႇ​ယူႇ​သေယဝ်ႉ၊ႁႅၼ်း​ၶူဝ်းၼုင်ႈ​တၢင်းမႆ​မၼ်း​ဝႆႉ​ထႃႈ​ယူႇ​လႄႈ​ဢမ်ႇ​ႁႂ်ႈလႆႈ​ၵႂႃႇ​မႃး​လူၺ်ႈ​တူဝ်ပူၺ်​လႄႈ​ဢမ်ႇ​လႆႈ​ဢူၵ်း​လႆႈ​ဢၢႆ​ၼၼ်ႉ​မီး​မၢင်ႇၵလႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

တမၢၼ်ႇၵၢင်ႁၢဝ်​ပႃး​တီႈ​ႁူၵ်း​ၼၼ်ႉ​ထွၵ်ႇ​ၵွၵ်း​မၼ်း​တူၵ်း​သႂ်ႇ​ၵႃႈၼိူဝ်​မႄႈၼမ်ႉ​လူင်​ ဢုၽရတ်ႉ၊ လႄႈ​ၼမ်ႉ​လူင်​ၼၼ်ႉ​ယူတ်း​ႁႅင်ႈ​ၵႂႃႇ​သေယဝ်ႉ၊မႄးႁႅၼ်း​သဵၼ်ႈတၢင်း​ပုၼ်ႈတႃႇ​ၶုၼ်ႁေႃၶမ်း​ၸိူဝ်း​ဢၼ်​လုၵ်ႉ​သေ​ၵႃႈတီႈ​မိူင်း​တၢင်း​ဝၼ်း​ဢွၵ်ႇ​မႃး​ၼၼ်ႉ​ဢေႃႈ။

ၶဝ်​ၼၼ်ႉ​ပဵၼ်​ဝိၺိၺ်ႇ​ၽီႁၢႆႉ​ဢၼ်​ႁဵတ်း​ၼႄ​ၼိမိၵ်ႈ​လၢၵ်ႈၶၼႃႇ​လႂ်​ၼၼ်ႉ​ဢေႃႈ။ ၽီ​ၸိူဝ်း​ၼၼ်ႉ​ဢွၵ်ႇ​လႄႈ​ၵႂႃႇၸူး​ၵႃႈတီႈ​ၶုၼ်ႁေႃၶမ်း​လေႃးၵီႇ​တင်းလၢႆ​သေယဝ်ႉ၊ႁႂ်ႈ​ၶဝ်​ၸုတုမ်​ၵၼ်​ပုၼ်ႈ​တၵ်း​တိုၵ်းသိုၵ်း​ၼႂ်း​ဝၼ်း​ယႂ်ႇ​ဝၼ်း​လူင်​ၽြႃးပဵၼ်ၸဝ်ႈ၊ၸဝ်ႈ​ဢၼၼ်ႇတႃႉ​တၼ်းၶူဝ်း​ၼၼ်ႉ​ဢေႃႈ။

ၵဝ်​သမ်ႉ​ႁၼ်​ၽီ​ဢၼ်​ၵူဝ်ႈၵိူၵ်ႇ​သၢမ်​တူဝ်​ဢၼ်​မိူၼ်​ၸိူဝ်ႉ​ၼင်ႇ​ႁၢင်ႈ​တူဝ်​ၶဵတ်ႇ​ဢၼ်​ဢွၵ်ႇ​သေ​ၵႃႈတီႈ​သူပ်း​ၼၵႃး၊ဢိၵ်ႇတင်း​ၵႃႈတီႈ​သူပ်း​တူဝ်ထိူၼ်ႇႁၢႆႉ၊ဢိၵ်ႇတင်း​ၵႃႈတီႈ​သူပ်း​မိၵ်ႉသႃႇ​ပရေႃးၽႅတ်ႈ​မႃး​ဢေႃႈ။

ၵူၼ်း​တင်းလၢႆ​လႆႈ​မႆႈ​ၶႅမ်ႈ​ၵွပ်ႈပိူဝ်ႈ​ႁႅင်း​ၽႆး​ဢၼ်​မႆႈ​ယႂ်ႇ​ၼႃႇ​ၼၼ်ႉ​လႄႈ​ၶဝ်​ဢွၼ်ၵၼ်​ၵိၼ်ႇလႃႇ​ၸိုဝ်ႈသဵင်​ၽြႃးပဵၼ်ၸဝ်ႈ၊ဢၼ်​ဢုပ်ႉပိူင်ႇ​ၽေး​ဢုပၢတ်ႈ​တင်းလၢႆ​ၼၼ်ႉ​ဢေႃႈ။ ၶဝ်​ယင်း​ဢမ်ႇ​မီး​တၢင်း​ဢၼ်​ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ၊ပိၼ်ႇၸႂ်​ႁႂ်ႈလႆႈ​ယွင်ႈယေႃး​တၢင်း​ဢၼ်​မျၢတ်ႈ​လီ​မၼ်းၸဝ်ႈ​ၼၼ်ႉ​လႄႈ​ယူႇ​ဢေႃႈ။

တမၢၼ်ႇၵၢင်ႁၢဝ်​ပႃး​တီႈ​ၼိုင်ႈ​ၵႂႃႇ​လႄႈ​ထွၵ်ႇ​ၵွၵ်း​မၼ်း​တူၵ်း​သႂ်ႇ​ၵႃႈၼိူဝ်​လိၼ်မိူင်း​ဢေႃႈ။ ၽေး​တုမ်ႇၸဵပ်း​တုမ်ႇၽီ​ဢၼ်​ၸဵပ်း​သႅပ်ႇ​ၼႃႇ​ပေႃႇ​ပဵၼ်​မႃး​ၵႃႈတီႈ​ၶဝ်​ၸိူဝ်း​ဢၼ်​လႆႈ​ၶၢမ်ႇ​တၢင်း​ဢၼ်​တွၵ်ႇ​တၼ်းသိၵ်ႈ​တူဝ်ထိူၼ်ႇႁၢႆႉ​ဝႆႉ၊ဢိၵ်ႇတင်း​တီႈ​ၶဝ်​ၸိူဝ်း​ဢၼ်​ဝႆႈ​ႁုၼ်ႇႁၢင်ႈသၢင်းထု​မၼ်း​ၼၼ်ႉ​ဢေႃႈ။

ဝိၺိၺ်ႇ​ၽီႁၢႆႉ​ၸိူဝ်း​ၼၼ်ႉ​ၵေႃႈ​ဢဝ်​ၶုၼ်ႁေႃၶမ်း​တင်းလၢႆ​မႃး​ၸုတုမ်​ၵႃႈတီႈ​ထႃႇၼႃႉ​ဢၼ်​ၵႂၢမ်း​ ႁေႇပြႄး၊ ႁွင်ႉဝႃႈ၊ ဢႃႇမၵေႇတူင်ႇ၊ ၼၼ်ႉ​ဢေႃႈ။