Popular Bible Verses from ပျႃႇတိၵ်ႈ 15

Share

ဢူဝ်း​ၸဝ်ႈၽြႃး​တီႈၶႃႈ၊ၽူႈလႂ်​တၵ်း​ဢမ်ႇ​ရူဝ်ႇသေႇ​ၵူဝ်ယမ်​ၸဝ်ႈႁဝ်း​လႄႈ​ယူႇ​လႆႈ​တီႈၶႃႈ။ ၽူႈလႂ်​တၵ်း​ထဵင်​ပႅတ်ႈ​တၢင်း​ဢၼ်​ၽုၺ်ႇ​ပိုတ်ႇ​ႁေႃးလၢတ်ႈ​လွင်ႈတၢင်း​ဢၼ်​ယႂ်ႇ​မျၢတ်ႈ​ၸဝ်ႈႁဝ်း​ၼၼ်ႉ​လႆႈ။ ၸဝ်ႈ​ႁဝ်း​သူႇလဵဝ်​ၵူၺ်း​မူတ်းၸၢင်ႇ တီႈၶႃႈ​ဢေႃႈ။ ၵူၼ်း​မဵဝ်း​ၵႃႈမီး​တင်းသဵင်ႈတင်းမူတ်း​တၵ်း​မႃး ဝႆႈသႃ​ၵူဝ်းၵႂၢႆႇ​ၸဝ်ႈႁဝ်း၊ ၵွပ်ႈပိူဝ်ႈ​တၢင်း​ဢၼ်​ၸဝ်ႈႁဝ်း​တႅပ်းတတ်း ၸွမ်းၼင်ႇ​တြႃး​ၼၼ်ႉ၊ ထၢင်ႇသႃး​ဝႆႉ​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵမ်း​ၼၼ်ႉ၊ၵဝ်​ႁၼ်​ၼိမိၵ်ႈ​လၢၵ်ႈၶၼႃႇ​တၢင်ႇၸိူဝ်ႉ​တၢင်ႇ​ပိူင်​ဢၼ်​လီဢၢမ်း​ၼႃႇ​ၵႃႈၼိူဝ်​ၵၢင်ႁၢဝ်​ဢေႃႈ။ ၼိမိၵ်ႈ​လၢၵ်ႈၶၼႃႇ​ၼၼ်ႉ​ပဵၼ်​တမၢၼ်ႇၵၢင်ႁၢဝ်​ၸဵတ်း​ပႃး၊ဢၼ်​ယိပ်းၵမ်​ၽေး​ဢုပၢတ်ႈ​လိုၼ်းလင်​သုတ်း​ၸဵတ်း​ပိူင်​ဝႆႉ​ၼၼ်ႉ​ပေႃႇမႃး​လႄႈ​ၼႄပျႃး​တၢင်း​ဢၼ်​ၽြႃးပဵၼ်ၸဝ်ႈ​ၸႂ်မႆႈ​ၶႂ်ႈၸႃႉ​လႆႈ​သုတ်းသဵင်ႈ​ယဝ်ႉ​ၼၼ်ႉ​ဢေႃႈ။