Popular Bible Verses from ဢွၵ်ႇၵႂႃႇ 13

Share

ထႃႇဝရႃႉ​ၽြႃး၊ ၵေႃႈ၊ၼႂ်း​ၶိင်ႇ​ၵၢင်ဝၼ်း​ၸိုင်၊ဢဝ်​သဝ်​မွၵ်ႇၵုမ်ႈ​ၵႂႃႇ​ပႃႈၼႃႈ​ၶဝ်၊ပုၼ်ႈ​ဢၼ်​တၵ်း​ၼႄ​တၢင်း​ၶဝ်​ဢေႃႈ။ ၼႂ်း​ၶိင်ႇ​ၵၢင်ၶိုၼ်း​ၸမ်ႉ၊ဢဝ်​သဝ်​ၽႆး​ၵႂႃႇ​ပႃႈၼႃႈ​ၶဝ်၊ပုၼ်ႈ​ဢၼ်​တၵ်း​ပၼ်​ဢၼ်​လႅင်း​ၶဝ်​ဢေႃႈ။ ပိူဝ်ႈ​ၼႆ​လႄႈ​ၶဝ်​ၸၢင်ႈ​ၵႂႃႇ​ၼႂ်း​ၶိင်ႇ​ၵၢင်ဝၼ်း​ဢိၵ်ႇတင်း​ၼႂ်း​ၶိင်ႇ​ၵၢင်ၶိုၼ်း​ဢေႃႈ။- သဝ်​မွၵ်ႇၵုမ်ႈ​ဢွၼ်ႁူဝ်​ၼႄ​တၢင်း​ၶဝ်​ၼႂ်း​ၶိင်ႇ​ၵၢင်ဝၼ်း​လႄႈ၊သဝ်​ၽႆး​သမ်ႉ​ဢွၼ်ႁူဝ်​ၼႄ​တၢင်း​ၶဝ်​ၼႂ်း​ၶိင်ႇ​ၵၢင်ၶိုၼ်း​ၸိူဝ်ႉ​ၼင်ႇ​ၼႆ​ဢမ်ႇထၢတ်ႇ​ဢမ်ႇ​သဝ်း​သေ​ၵႃႈတီႈ​ၵူၼ်း​ၸိူဝ်း​ၼၼ်ႉ​သေပွၵ်ႈ​ဢေႃႈ။

မိူဝ်ႈ​ဢၼ်​ၶုၼ်ႁေႃၶမ်း​ပွႆႇ​ၵူၼ်း​ၸိူဝ်း​ၼၼ်ႉ​ၵႂႃႇ​ယဝ်ႉ​ၼၼ်ႉ၊ ထႃႇဝရႃႉ​ၽြႃး၊ ယင်း​ဢမ်ႇ​ဢဝ်​ၶဝ်​ၵႂႃႇ​ၸွမ်း​သဵၼ်ႈတၢင်း​ဢၼ်​လတ်း​ၶဝ်ႈ​မိူင်း​ ၽိလိတ်ႉတိ၊ ၼၼ်ႉ။ ပိၵ်ႉသမ်ႉ​မၼ်း​ပဵၼ်​တၢင်း​လတ်း​သေၵေႃႈ​ ထႃႇဝရႃႉ​ၽြႃး၊ ထၢင်ႇ​ၼႂ်း​ၸႂ်​ဝႃႈ၊ “ၵူၼ်း​ၸိူဝ်း​ၼၼ်ႉ​ပေႃး​ၶဝ်​ထူပ်း​ၼႃႈ​သိုၵ်း​ၸိုင်၊ၶဝ်​တၵ်း​ၸႂ်လု​လႄႈ၊ၵူဝ်​ၶဝ်​ၶိုၼ်း​ပွၵ်ႈ​မိူဝ်း​မိူင်း​ ဢေးၵျိပ်ႉ၊ ၵႂႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ၼႆ​လႄႈ​ၽြႃးပဵၼ်ၸဝ်ႈ​ဢွၼ်​ၶဝ်​လဵပ်ႈ​ၵႂႃႇ​ၼႂ်း​တၢင်း​ထိူၼ်ႇလႅင်ႉ ၸွမ်း​ႁိမ်း​ ပၢင်ႇလၢႆႇ​လႅင်၊ ဢေႃႈ။ ၵူၼ်း​မဵဝ်း​ ဢိသရေး၊ ၸိူဝ်း​ၼၼ်ႉ​ႁၢင်ႈ​ႁႅၼ်း​ႁဵတ်း​ပဵၼ်​တပ်ႉ​ပဵၼ်​ငႃး​သေလႄႈ​ဢွၵ်ႇ​ၵႂႃႇ​ဢေႃႈ။