Popular Bible Verses from 1 သမူၺ်ႇ 17

Share

တႃႇဝိတ်ႈ၊ ၵေႃႈ​လၢတ်ႈ​လႄႈ​ဝႃႈ၊ “မႂ်း​ပႃး​ဢဝ်​လၢပ်ႇ၊ႁွၵ်ႇ၊ၶၢၵ်ႇ​လႅမ်​လႄႈ​မႃး​ၸူး​တီႈ​ၵဝ်​ဢေႃႈ။ ၵဝ်​ၸိုင်၊ပႃး​ဢဝ်​ၼႃႇမႃႉ​ၸိုဝ်ႈသဵင် ထႃႇဝရႃႉ​ၽြႃး၊ၸဝ်ႈ​ဢၼၼ်ႇတႃႉ​တၼ်းၶူဝ်း၊ ၽြႃးပဵၼ်ၸဝ်ႈ​ၵူၼ်း​မဵဝ်း​ ဢိသရေး၊ ဢၼ်​မႂ်း​သႄႉသွမ်း​ၼၼ်ႉ​မႃး​ၸူး​တီႈ​မႂ်း​ဢေႃႈ။

ၼႆႉ​ၵူၺ်းဢမ်ႇၵႃး၊ပိူၼ်ႈ​တၵ်း​ႁုႁၼ်​လွင်ႈ​ဢၼ်​ ထႃႇဝရႃႉ​ၽြႃး၊ ဢမ်ႇ​လူဝ်ႇ​ဢဝ်​လၢပ်ႇ၊ဢဝ်​ႁွၵ်ႇ​လႄႈ​ၵႄႇသႄႇ​ၶျွတ်ႈ​ဢဝ်​ၵူၼ်း​မၼ်းၸဝ်ႈ​ၼၼ်ႉ​ဢေႃႈ။ မၼ်းၸဝ်ႈ​ပဵၼ်​ၸဝ်ႈ​ဢၼ်​ဢွင်ႇ​သိုၵ်း​ၼႂ်း​ၼႃႈ​သိုၵ်း​လႄႈ​တၵ်း​ဢဝ်​သူ​တင်းမူတ်း​ဢၢပ်ႈပၼ်​ၼႂ်း​မိုဝ်း​ႁဝ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ထႃႇဝရႃႉ​ၽြႃး၊ ၵႄႇသႄႇ​ၶျွတ်ႈ​ဢဝ်​ၶႃႈၸဝ်ႈႁဝ်း​လွတ်ႈ​သေ​ၵႃႈတီႈ​သၢင်ႇသီႈ​လႂ်၊မီ​လႂ်၊တီႈၶႃႈ​ယဝ်ႉ။ မၼ်းၸဝ်ႈ​သမ်ႉ​တၵ်း​ၵႄႇသႄႇ​ၶျွတ်ႈ​ဢဝ်​ၶႃႈၸဝ်ႈႁဝ်း​လွတ်ႈ​သေ​ၵႃႈတီႈ​ၵူၼ်း​ ၽိလိတ်ႉတိ၊ ၼႆႉ​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။ သေႃးလု၊ ၵေႃႈ​လၢတ်ႈ​လႄႈ​ဝႃႈ၊ “ၵႂႃႇ​တႃႉ။ ႁႂ်ႈ​ ထႃႇဝရႃႉ​ၽြႃး၊ မီး​ယူႇ​လူၺ်ႈ​ၵၼ်​တင်း​မႂ်း​သေၵမ်း​လူၺ်ႈ၊” ဝႃႈ​ၼင်ႇ​ၼႆ​ဢေႃႈ။

ထႃႇဝရႃႉ​ၽြႃး၊ တၵ်း​ဢဝ်​မႂ်း​ဢၢပ်ႈပၼ်​ၼႂ်း​မိုဝ်း​ၵဝ်​မိူဝ်ႈၼႆႉ​ယဝ်ႉ။ ၵဝ်​တၵ်း​တိုၵ်း​ပႄႉ​မႂ်း​လႄႈ​တႅပ်း​ဢဝ်​ႁူဝ်​မႂ်း​ယဝ်ႉ​ၸင်ႇ​ဢဝ်​ၼိူဝ်ႉ​ၵူၼ်း​ ၽိလိတ်ႉတိ၊ ၸိူဝ်း​ၼႆႉ​ဢွႆႇ​တီႈ​ၼူၵ်ႉ​တင်း​တူဝ်ထိူၼ်ႇ​လႂ်​ဢေႃႈ။ ၼင်ႇ​ၼၼ်​လႄႈ​ၵူၼ်း​လိၼ်မိူင်း​တင်းသဵင်ႈတင်းလူင်​တၵ်း​ႁု​လွင်ႈ​ဢၼ်​ၽြႃးပဵၼ်ၸဝ်ႈ​မီး​ၼႂ်း​ၵူၼ်း​မဵဝ်း​ ဢိသရေး၊ ၼၼ်ႉ​ဢေႃႈ။

မၼ်း​ၶိုၼ်း​ဢဝ်​ၶွၼ်ႉတဝ်ႉ​လဵင်ႉ​သူဝ်း​မၼ်း​သေယဝ်ႉ၊လိူၵ်ႈၵဵပ်း​ဢဝ်​မၢၵ်ႇႁိၼ်​ဢၼ်​လိူမ်ႈ​လီ​လွမ်​လီ​ႁႃႈ​လုၵ်ႈ​သေ​ၵႃႈၼႂ်း​ၼမ်ႉႁွင်ႈ​သေယဝ်ႉ၊ဢဝ်​သႂ်ႇ​ၵႃႈၼႂ်း​ထူင်​မၼ်း​ဢေႃႈ။ မၼ်း​ယိပ်းၵမ်​ၵၢင်ႇၵူင်​မၼ်း​လီ​လီ​သေလႄႈ​ဢွၵ်ႇ​ၵႂႃႇ​ႁႂ်ႈလႆႈ​ႁူပ်ႉ​ထူပ်း​ ၵေႃးလျတ်ႈ၊ ဢေႃႈ။

တႃႇဝိတ်ႈ၊ ၵေႃႈ​လဝ်ႈလၢတ်ႈ​တီႈ​ သေႃးလု၊ လႄႈ​ဝႃႈ၊ “ၸဝ်ႈ​မုၼ်​ယႂ်ႇ​ၶုၼ်ႁေႃၶမ်း​တီႈၶႃႈ။ ယႃႇပေ​ႁႂ်ႈ​ၽူႈလႂ်​သေၵေႃႉသေၵူၼ်း​လႆႈ​ၸႂ်လု​ၵွပ်ႈ​ၵူၼ်း​ၵေႃႉ​ၼၼ်ႉ​သေၵမ်း​တီႈၶႃႈ။ ၶႃႈၸဝ်ႈႁဝ်း​တၵ်း​ၵႂႃႇ​တိုၵ်းတေႃး​မၼ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။