Popular Bible Verses from 1 သမူၺ်ႇ 16

Share

ၵူၺ်းၵႃႈ၊ ထႃႇဝရႃႉ​ၽြႃး၊ မီး​ဢမိင်ႉ​တီႈ​မၼ်း​လႄႈ​ဝႃႈ၊ “ယႃႇပေ​တူၺ်း​ႁၼ်​တၢင်း​သုင်​မၼ်း​တင်း​တၢင်း​ဢၼ်​ႁၢင်ႈလီႁၢင်ႈငၢမ်း​မၼ်း​ၼၼ်ႉ။ ၵဝ်​ပႄႇပႅတ်ႈ​မၼ်း​ယဝ်ႉ။ လွင်ႈ​မၼ်း​ၸမ်ႉ၊ ထႃႇဝရႃႉ​ၽြႃး၊ တူၺ်း​ႁၼ်​မိူၼ်​ၸိူဝ်ႉ​ၼင်ႇ​ဢၼ်​ၵူၼ်း​တူၺ်း​ႁၼ်​ၼၼ်ႉ​ဢမ်ႇၸႂ်ႈ။ ၵူၼ်း​ၸိုင်၊ၸၢင်ႈ​တူၺ်း​ႁၼ်​ႁၢင်ႈၽၢင်​ဢေႃႈ။ ထႃႇဝရႃႉ​ၽြႃး၊ ၸမ်ႉ၊တူၺ်း​ႁၼ်​ႁူဝ်ၸႂ်​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

သမူၺ်ႇလႃႉ၊ ဢဝ်​ၼမ်ႉမၼ်း​မၢၵ်ႇသၢၼ်ႇလုၼ်ႇ​သေလႄႈ​ပၼ်​ၽိၵ်ႈသိၵ်ႈ​တီႈ​ တႃႇဝိတ်ႈ၊ ၵႃႈတီႈ​ၽၢႆႇၼႃႈ​ပီႈဢၢႆႈ​မၼ်း​ၸိူဝ်း​ၼၼ်ႉ​ဢေႃႈ။ သမူၺ်ႇလႃႉ၊ ၵေႃႈ​ပွၵ်ႈ​ၶိုၼ်း​ၸူး​တီႈ​ဝဵင်း​ ရႃႇမႃႉ၊ သေ​ဢေႃႈ။

သမူၺ်ႇလႃႉ၊ ၸင်ႇ​ထၢမ်​တီႈ​ ယေႇသႄး၊ လႄႈ​ဝႃႈ၊ “လုၵ်ႈၸၢႆး​မႂ်း​ယင်း​မီး​ထႅင်ႈ​သေၵေႃႉသေၵူၼ်း​ႁိုဝ်း၊” ဝႃႈ​ၼင်ႇ​ၼႆ​ဢေႃႈ။ ယေႇသႄး၊ ၶိုၼ်း​လၢတ်ႈ​လႄႈ​ဝႃႈ၊ “ယင်း​မီး​လုၵ်ႈၸၢႆး​ၵေႃႉ​လဵၵ်ႉ​သေပိူၼ်ႈ​လူးၵွၼ်ႇ​ၶႃႈ​ဢေႃႈ။ မၼ်း​ၼၼ်ႉ​လဵင်ႉ​ထိင်း​သူဝ်း​ယူႇ​ၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။ သမူၺ်ႇလႃႉ၊ ၵေႃႈ​လၢတ်ႈ​လႄႈ​ဝႃႈ၊ “မွၵ်ႇ​ႁႂ်ႈ​မၼ်း​မႃး​ၵႃႈတီႈ​ၼႆႈ​တႃႉ။ ၸူဝ်ႈ​ဢၼ်​မၼ်း​ယင်း​ဢမ်ႇ​ပႆႇ​ႁွတ်ႈထိုင်​မႃး​ၼၼ်ႉ​ႁဝ်း​ဢမ်ႇ​လႆႈ​သၢၵ်ႈလူႇ​ၶိူင်ႈ​တၢင်းလူႇ​ၵူၺ်း၊” ဝႃႈ​ၼင်ႇ​ၼႆ​ဢေႃႈ။