Nitikono, padele padele tikilepa ko̱ wamoa ete oto wa neno wamoa tamene. Nitameneya poane peku noa etepea toma piki-kiti pakeke mekiyake e yenamepa kime poanele tiki wa kiwi kikoa akamomotono, Akolaline mana kono-mikitame toatiki toa kiyo akenele-kama tamene. Nitoapa e yene kini mea kawatiki peku i lawetekuno noa tamene wa lawetekilepa tagoi-kiti yomiyomu keneke kawou toa kakete pa̱ takoa tamene. Yesu Keraisu wakapea nokalepa kime tamene wane okounakale edikoa litia tadekolipa nipa Keraisu nekelepa pata pale takameadeku wane anu wa kei piou.