Popular Bible Verses from Pilipai 1

Share

Akolaliyo kiwi pewe witikene dikou dikou wa titikome taatekoa tokana toapa Yesu Keraisu oto wakapea nokaleka pa toa-kala kawa peya takoono wene pikene uku.

Kini kowitikakilepa eya wane kowitikoane uku-ye. Wene mekanali yotikilepa akole-kama toma pomotono ta wane Akolali kowitikakala tuku. Nipa nekemo emo kumo peya wene tomotono, ina ina wa pine piko toa-kama wene takoano ta wane kini kowitikoane uku-ye. Ni edoa-mo. Padele padele takoa enekilepa epetanele-mati toatekole i i wa kime takoa enemotoane ni uku. Nipa Keraisu wakapea noatekoya nepia mekete toatiki toapa edikoa poane wene piamoa ni ete-kitame akoa agale oatikile toamoa tomotoane uku.

Itonoke mekenepa Keraisu patu-kama kautakoane meku. Tuadekolupa nipa Akolaliyo no pewe wia kakilepa akole-kama too wane tuou.

Kiwi wene tekene-kama agetai Akolali-pala ke wane okala tuku.

Keraisuno ali atoa mekete toatekoi toa i i wa olaukanele toma pamene. Nitikolipa wida none mekeneka padeka pone mekeneka eya odenemo-kama yakou. Anu oya-lawe kime Keraisunole takakilepa poyo ali-kitame poi wedoa toa kawou toa poapeneya kakete odene wene pianeya mea tiki wa okoimo yakou.

Eya toadiya wane wediane meane nepiane meku-ye. Papete tokounakale opika onekele pata pale takamekene onekemo akamene piti moamekene atiki toane oane auane yawou. Nipa tuadekoluka tuameadekoluka Keraisu-pala lipuane mekene tokouleke ete-kitame one kei pimotadiyano wene piane tou.

Akolali nitikagome kiwi takoa motikilepa Keraisuke wene tugoa mekete oneke toa tete momotoa tokome ni toko.