Popular Bible Verses from Filipe 1

Share

Mbi hinga biani mbi tene, Nzapa so ato nda ti sara nzoni kua na ya ti fini ti ala, fade lo yeke sara ni ngbii ahunzi na lango ti kiringo ti Jésus Christ.

Mbi yeke sambela titene ndoye so ala yeke na ni akiri ague gi na nduzu na nduzu, tongaso si le ti ala azi si ala hinga nga ye mbirimbiri; tongaso si ala hinga ye so ayeke nzoni ahon atanga ni. Tongaso, fade ala yeke ga nzoni kue si na lango ti kiringo ti Christ, mbeni tënë ayeke na li ti ala pepe.

Ti mbi, taa fini ayeke Christ si na le ti mbi, kuâ ayeke lege ti warango ye!

Lakue tongana be ti mbi ati na ndö ti ala, mbi yeke mu singila na Nzapa ti mbi.

Gi ye oko, ayeke nzoni lege ti dutingo ti ala alingbi na ti so Nzoni Tënë ti Christ afa. Tongaso, ataa mbi ga, mbi baa ala, ataa mbi ga pepe, me mbi ma atënë ti ala, fade mbi yeke hinga, mbi tene, ala ngba ti luti nganganga, tënë ti be ti ala kue ayeke gi oko si ala bongbi oko ti tiri ndali ti mabe so aga na lege ti Nzoni Tënë.

Ndali ti ye so mbi yeke ku si mbi zia be ti mbi ti ku ni, kamene ayeke gbu ande mbi pepe. Me ti londo laso ngbii asi na tanga ti alango kue, ataa mbi kui wala mbi ngba na fini, mbi hinga biani na be ti mbi, mbi tene, dutingo ti mbi ayeke fa ande na azo so Christ ayeke kota mingi.

Nzapa asara nzoni be na ala gi titene ala ma na be na Christ pepe, me ti baa nga pasi ndali ti lo.