Popular Bible Verses from Filipe 2

Share

Ala sara ye na gbugburungo tere ti gi na kota ndo pepe, ala sara nga ye na lege ti kuru baba pepe. Me ala baa tere ti ala tongana akete zo, ala baa amba ti ala tongana azo so ayeke kota ahon ala. Ayeke nzoni zo oko oko asara ye ndali ti nzoni ti lo wani pepe, me lo sara ye ndali ti nzoni ti amba ti lo.

Ayeke nzoni sarango ye na popo ti ala alingbi na ti azo so aga oko na Jésus Christ.

Lo so lo yeke lakue lakue legeoko na Nzapa, na le ti lo, dutingo legeoko na Nzapa ayeke mbeni ye ti gbu na ngangu pepe. Me lo zia aye so kue lo yeke na ni, lo sara tere ti lo tongana zo ti kua, lo ga legeoko na azo kue; na bango lo, dutingo ti lo alingbi na ti zo. Lo sara tere ti lo kete, lo ga zo ti mango yanga ti Nzapa ngbii asi na kuâ, kuâ ti ndö ti keke ti kroa.

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

Ndani laa, Nzapa amu lo na nduzu, azia lo na kota ndo, amu na lo iri so ayeke kota ahon a-iri kue. Tongaso, ala so ayeke na yayu, ala so ayeke na sese, ala so ayeke na gbe ti sese akuku na likunu ti ala ti gonda iri ti Jésus si ala kue atene na yanga ti ala, atene: Jésus Christ ayeke *Kota Gbia si ala gonda Nzapa Babâ.

Aye so kue ala yeke sara, ala sara ni na dikongo tënë na gbe ti go ti ala pepe wala na papa pepe. Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

Tongaso, a-ita ti mbi so mbi ye ala mingi, ala so ayeke ma yanga ti Nzapa lakue so, ayeke nzoni ala ma yanga ti lo gi ndali ti le ti mbi pepe. Me so mbi yeke na tere ti ala pepe, fadeso ayeke kota ye mingi titene ala ngba ti ma yanga ti lo. Ala sara kua na mbeto, na dongo tere si ala soo kuâ.