Popular Bible Verses from Sigingo 35

Share

Moïse atene na azo ti Israel, atene: “Ala baa, KOTA GBIA asoro Besalel, molenge ti Uri ti koli; Uri ayeke molenge ti Hur, zo ti mara ti Juda. KOTA GBIA asara si yingo ti lo asi Besalel singo titene lo wara ndara, hingango ye nga na hingango ndo. Besalel ahinga ti sara aye ti kode nde nde

KOTA GBIA asara si ala wara ndara mingi ti sara na akua nde nde: kua ti sarango ye na kode na tere ti atêne ti ngangu ngere, kua ti sarango ye ti kode, kua ti kpongo apendere nzoroko na kamba ti *len so akpengba kpengbango na tere ti bongo so nzoroko ni akpa le ti nduzu, bongo so abe bengo na bengba bongo so ayeke za zango. Ala hinga ti sara akua nde nde, ala hinga ti gbu li ti sigigi na kode ti akua nde nde.