KOTA GBIA ahon na dawa ti Moïse si lo to mbela, lo tene: “Mbi yeke KOTA GBIA! Mbi yeke KOTA GBIA, Nzapa so mbi yeke baa mawa ti zo, mbi yeke sara nzoni be na zo, mbi yeke sara ngonzo hio hio pepe, nzoni be ti mbi asi singo si mbi yeke bata tënë ti yanga ti mbi lakue. Mbi yeke sara nzoni be na azo ngbii asi na molongo ti ala saki oko. Azo so asara sioni, azo so asara ngangu li na azo so asara siokpari, mbi yeke kanga be na ala; me zo so tënë ayeke na li ti lo, mbi yeke zia lo senge pepe. Azo so asara siokpari, mbi yeke sara titene siokpari ti azo ni akiri na ndö ti amolenge ti ala na *ahale ti ala ngbii asi na molongo ota ni wala osio ni.”