Popular Bible Verses from Efeze 2

Share

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Biani, ndali ti nzoni be ti Nzapa si ala soo kuâ, na lege ti mabe, mbeni ye so ala sara titene ala soo kuâ ndali ni ayeke daa pepe. Songo kuâ ayeke nzoni ye so lo mu na ala senge senge. Songo kuâ ni aga na lege ti akua so ala sara pepe, tongaso si mbeni zo alingbi ti pika kate ti lo daa pepe.

Me Nzapa abaa mawa ti e ahon ndoni, lo ye e mingi. Ataa so na le ti Nzapa e yeke ando azo so akui awe ngbanga ti sioni ti e, lo kiri lo mu na e fini legeoko na Christ. Ndali ti nzoni be ti Nzapa si ala soo kuâ.

Na lege ti gango so e ga oko na Jésus Christ, Nzapa azingo e na kuâ legeoko na lo titene e na Christ e duti oko na yayu.

Tongaso, ala azo ti amara nde, ala yeke awande mbeni pepe, wala azo so aga gango pepe. Me fadeso, ala na azo ti Nzapa ayeke amolenge ti kodro oko, ala yeke azo ti sewa ti Nzapa. Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.