Atënë ti ndia so kue mbi yeke fa na ala, alingbi ala sara kue ti sara ye alingbi na ni. Ala zia mbeni tënë na ndö ni pepe, ala zi nga mbeni tënë na ya ni pepe.
Moïse atene: Mbeni ye tongaso alingbi ti si: mbeni zo ti bango aye na ya ti bango-li, wala mbeni wayanga-Nzapa ayeke londo na popo ti ala; lo lingbi ande ti sara aye ti kpene na aye ti dongo be. Tongana ye ti kpene ni na ye ti dongo be ni asi alingbi na tënë so lo tene, tongana lo tene na ala: “E mu peko ti ambeni nzapa nde, e voro ala”; – andaa ayeke anzapa so ala hinga ala pepe