Popular Bible Verses from Mateus 21

Share

Tane Kuate nu kumuŋ ŋga yabaŋap ta nu kumumbi tiŋgamŋgat ŋga saniŋgina.

nu lafumba nane saniŋgina: Ye siŋka satiŋgamŋgit. Tane Kuate nu kumuŋ ŋga wamdus tero ndakap ta ye fik ail mbolŋge maŋau kit taŋamba tane mata kam kumuŋ. Ta ndo kuga. Tane tabe si samba ne goka tiŋga yu buto sinam kaye ŋga sawap ta nu taŋawamŋgat.

Taŋamba kile afu Yesus tumailamŋge afu ŋgumnemŋge nane kumbaŋge wikaraumba sakinaig: Sine David tuku mbuŋ tuku nyu te-duŋgube o. Taŋgo te Suŋgo tuku nyu mbolŋge prote. Nu Suŋgoŋge nyaro tuwa o. Sine Suŋgo Kuate tuku nyu te-duŋgube o ŋginaig.

Taŋamba nu nane saniŋgina: Kuyar pasa nu teŋenmba sakate. Ye tuku wande ta mbariŋyam tuku wande. Tane wande te mbilmba kuayar taŋgo tuku wande taŋaŋ pilig ŋgate. Yesus nu taŋamba nane saniŋgina sulumba

Sion tumbraŋ suŋgo sawap le nuŋe taŋgo suŋgo kaŋgerwa. Nu ŋgannu nyu kugatok taŋaŋ doŋki fat mbolŋge minyoka doŋki ŋak nu tugum prote ŋgina.

Taŋakinaig le Yesus nu nane saniŋgina: Kuyar pasa ande te tane bur ndakade e? Ndame suŋgo ande wande pilig mbal gisleknu ŋga te-sinaig ta kile wande ta tuku ndame ŋakmba nu mbolŋge saŋgri tiŋgade. Suŋgo nuŋge wam ta kina le sine kaŋgermba pirerek purka gare toreg ŋgate.

Ta tuku ye tane satiŋgamŋgit. Kuate nu tane Israel kile-sika mbal kise nuŋe gageu tuku madiniŋguwa le alonu kumumbi kile-mayokkamŋgaig ŋgina.