Popular Bible Verses from Dad Fngewe 15

Share

I mafganag timel gaflana i kaflabè, bay i makto timel i gafdinè dun.

I klikò di Dwata, én gamlé di to i kfulung faldam, na silang nun mafè i to ku funan fdanà i kton.

I fye talù gamlé klawil na ktanak nawa i dad to, bay i sasè talù gamlé tduk di nawa i dad to.

I tafandam i to là gdohò ku kulang i dad to mngewe, bay too gdohò fagu di dee dad to mngewe kenen.

I to lehew, teenam i klehewan di bawehan, bay i to mlidù, teenam i klidù nawan di bawehan.

I kdee mgimò di klamang banwe teen Dwata, teenan i kdee nimoito balù fye ku demen sasè.

Fye fa i to tukay knunan ku nun klikoan di Dwata, di to nun bong knunan i nun ksamuk.

I to mlal malbut kenen gumdà i ksugak, bay i to là mlal malbut fakay smafye i dad to sugak.

I to matlu funan too faldam di laan fa tmimel, bay i to sasè mlal timelan, bay sasè i manan.