Popular Bible Verses from Mar. 14

Share

Migtawal-tawal sikandin, kagi din, “Amà, wedad palos eked no kebatog. Yan eked a no peden peokiti diyà te kelimahan seini. Meneng ibeg ko, kamno ibeg se metoman, kenà kanak.”

Ikà niyo egtedogi, meneng pegtawal-tawal kaw amon eked kaw keboyo. Pengkey mèpiya se ibeg te pedowan niyo, meneng wedad kagsen te lawa niyo.”

Eneng-enengi niyo se kagi ko seini. Eked palos sikandin kelibeli, so pengkey kenan toledai se Mèpiya Indan doton te kebelad te keneyonan, iindan heman se ininang te bayi sìyan.”

aw minikagi sikandin, “Ontò den nepuluk se pedowan ko, iling te matay a. Peg-ogpà kaw den dini, aw ikà niyo egtedogi.”

Nayan, dalem te pegpengaen dan, nengabat si Jesus te pan, aw migpesiontong sikandin diyà te Timanem. Penga niyan, binelà-belà din se pan, aw inteped din iyan diyà kandan, aw minikagi sikandin, “Kàni niyo se pan seini, so yan se lawa ko.”

Penga niyan, inabat din heman se tabò, aw migpesiontong sikandin diyà te Timanem, aw inteped din heman diyà kandan, aw mininem se kedita dan kenyan. Minikagi si Jesus, “Yan se dipanog ko, aw pineokit kani, doen den kaling peokit pesalo doton te Timanem. Pineokit te pegkematay ko, medita se otaw tebangan.

Penga niyan, minikagi si Jesus diyà te menge tinoledaan din, “Tomanan se kedita niyo kanak, so doen kagi te Timanem insolat gebii, ‘Ipeimatay ko se otaw egtonggò te ayam-ayam karniro, aw mebilit se kedita te karniro tinonggoan din.’

Enaw kaw den. Dimateng den se otaw megtolok kanak. Somongon kidon kandin.”

Minikagi si Jesus, “Eneng-enengi se kagi ko kamno seini. Kwani te eked pegkolaak se manok te mekedowa te delem seini, ibolon a nikaw te meketelo.”