Popular Bible Verses from 1 Korinto 3

Share

Netegahan niyo den ini. Se kedita niyo egpemenal, iling kaw te balay te Timanem, aw eg-ogpà se Espiritu Santo kidoen kenyo.

Se pinetindegan te balay insawol ko, yan olò si Jesu Cristo. Wedad doma petindegan mepakay isawol kidoen te balay ipeinang te Timanem.

Kenà melangkaw se otaw manggas. Kenà heman melangkaw se otaw megtonggò. Meneng Timanem se melangkaw, so sikandin se megpetilles te intanem.

Didowa kay si Apolos se insogò te Timanem meg-inang, aw iling kaw te pawà pinetrebehowan te Timanem kenami. Doma ipolingun ko, iling kaw te balay impeinang te Timanem.

Meneng aw lomikò si Jesu Cristo, ipekità din te menge otaw aw doen ontong te ininang dan, so ipeokit i Cristo se inang dan diyà te apoy amon ketegahan aw mèpiya iyan.

Wedad melangkaw diyà te otaw manggas aw otaw megtonggò, so doen ontong ibegay te Timanem diyà te teg sebad-sebad kandan tepad te eg-inangen dan.

Peg-ahà kaw amon wedad keekalan kenyo. Aw doen otaw kidoen kenyo eg-ikagi te doen den kebiyasa din dini te keneyonan, keilangan tenanan din se kebiyasa din sìyan amon kinewaen din se ontò kebiyasa ibegay te Timanem