Popular Bible Verses from Mark 16

Share

On iyawures iyau, “Omi wonan au tafanam engonai ato wasagobin wonbino sabu engon tutufin auris.

Baitutumotis on arimon faiwar sinboai bobo buburis sinfouren: Osi Yau Wabiui arimon dau sinfaitanis singat; Osi arimon fafes sinikitabiren sabu touman fonasi sinikakafun; Osi mota komasin sinboai a sareu sinbokatet auman sitoman on osi arimon men sinarab; osi imas sabu sawauis usisi sinyein on osi engon arimon sinyawas.”

Iyai iyafan ebitutum ato inbibapataito on arimon inyawas; iyai iyafan men initutum on arimon baimaki inboai.

Baigibubunuotis sigat tafanam au engonai dura sibino, ato Bada an baibais mat siboen asi bino ikufaiwaren ato bobo buburis sifouren onai auris idura bag ato sabu engon situtum.] (v9) Jever sinai Peter tuturan mat auris ato mamaba orot rasi doguai ikakasones on engon sikasones. (v10) On gibunai Iesu Toun an baigibubunuotis iyafares sigat tafanam au engonai dura kakafaiin a yawas mama wantoanin aurin on dura sibino.]

On iyawures iyau, “Omi men woniror mes.” Yau asagob omi Iesu Nazareth emon nabai sikukubarai on wonunuen. On men nin-On rabob emon imisir men! Woit, On efan atonio nin siyein i’yen.

Osi si’nan eta nenenai ato tous wat siyau bonen, “Iyafan arimon rasi dogu awanai agim inifiruruai weinet?” (On agim on gagamin bag.) Namon osi usos sitagai si’yeit on agim sit on ainau sifiruruai imatabir nono i’yen. On mes osi rasi dogu amonai sirui, ato nan orot boboun sit beber kakakaiin wat iyot asumaiauai imair imama—ato osi on sit on engon siror.