Popular Bible Verses from Ñwaè' Taitoès 1

Share

Njɛ̀ɛ bèe ca a lòr enɛ a rìŋ Nyʉ̀ sê, buu ce wowèe a ce gèe vi ce dùŋshi enɛ wowèe a mɛŋni Nyʉ̀. Wowèe a yu běe bcicì, a tee btu. Àde' wowèe a gèe yuu bòŋboŋ ka'.

Ŋwɛ̀ à ka' tʉr ntee rara, banɛ buu wɛɛwɛ be ba brara a yě bsii. Ŋwɛ̀ à ka' tʉr ntee sii, ke' byemi ka' banɛ buu wɛɛwɛ vi be ba brara nè ye ka' njobè' mi mkwà'shì mi yu msii, e ke' ker rìŋ jɛɛ jɛɛ efa yuu bòŋboŋ ba yuu bebep ka'.

E ba ŋwɛ̀ ce e be tɛɛ njep ryɛ'nì mini ce a yɛ'ni ye, tɛ ye ye foŋ bo rìŋ à ryɛ'ni bèe mo' bòŋboŋ, kèr gee tɛ yi yɛɛti rara enɛ bèe ce a ce kani ryɛ'nì ca nà a ce jep jep.

Ŋwɛ̀ ce e ce fyɛ' bèe Nyʉ̀ yu ŋwɛ̀ ce mfà' Nyʉ̀ mi yu mba yě mmbò. Banɛ yi ŋgèe yi ba bòŋboŋ. E fa nàa tu kɛ̀ tʉr ntee cɛcɛp ka'. E fa lɛ ntee à buu mno ka'. E fa ba ŋwɛ̀ ce e ce gèe buu ba à mntee ka'. E fa ba ŋwɛ̀ roŋ mbàa ka'. E ba ba ŋwɛ̀ ce e yu mmbo mtoo, a ba ŋwɛ̀ ce e kòŋ ba yuu bòŋboŋ. E ba ŋwɛ̀ ce e be kwà'shi buu nè bfee-ŋwɛ̀, ba ŋwɛ̀ nyɛɛnì, ba ŋwɛ̀ nrara à bsii Nyʉ̀, ker ba ŋwɛ̀ ce e mà'shi yì nyor àwàa ka'.

à ka' ce ce tu embe côr, à ce ba ŋwɛ̀ ce bèe a rìŋ enɛ e yu ŋwɛ̌ mbòŋmboŋ, a tʉr ŋgwa mò'sir cà'cà', boo vi foŋ a ba ŋgǎa rbyemì, yap ŋgèe à ba njɛ̀ɛ ŋgèe ce àde' bèe a yɛ laa enɛ wowèe a ce gèe buu bbebep kɛ̀ enɛ a tèe btu ka'.