Popular Bible Verses from Ñwaè' Gaèláshaè 5

Share

Buu ce vi lò ese Yʉ' Nyʉ̀ yu buu ca: rkòŋnì, rlu'shì, cumʉnyaŋ, ŋkur ntee, ŋgěe bòŋboŋ nè bèe, à rba mini, à rba nè rbonì-ŋwɛ̀, à rmà'shi yò nyor àwàa ka'. Ncir mo' yi yu ce yi kani bèe efa rgèe buu ca ka'.

Yuu ce m ce làa yi yu enɛ wèe ma'shi tɛ Yʉ' Nyʉ̀ yi ke'ni wèe fà dì' wèe bo gèe ba yuu ce yè nyor ce kòŋ ka'.

Àmbò sèe ce cu à ŋger Yʉ' Nyʉ̀ na, banɛ sèe ce gee buu à ŋger Yʉ' Nyʉ̀.

Bèe ce a yu bèe Jisos Krǎis a mà' buu ce nyor ce kòŋ. Cena yi yu àmbò a taa lɛ vi mbe kìntaa wa'a.

Buu ce ŋwɛ̀ e ke gèe yu buu ce bèe a mɛŋni ka'. Buu ca yu mkɛ'ni ba bsàkì, mkwà'shì àmbò mkɛ'ni ba bsàkì, bsàkì ce e dù ba à yaŋ, rloo nè mnyʉ̀ enjep ŋgòŋ na, tʉ', bbànì ba mlap, ŋko'ndoŋ, ntee yayaŋ, bwer, ŋgàpni ba rcu jɛɛ jɛ̀ɛ jɛɛ, ghɛ̀', no buu vi koo, ŋaŋ ker ba buu mò' ce vi ku ba àmbò bca. M ce làa nè wèe tatap àmbò mɛ̀ m làa nè wèe nà, enɛ àde' bèe ce a ce gèe njɛ̀ɛ buu ca a konì ŋgʉ̀' mò' efa kʉʉ Nyʉ̀ ka'.

Bfʉr wâ, Nyʉ̀ à kɛ' wèe fà dì' wèe bo kèr ce fà' bkwàa nè mncir ka'. Àmbò wèe ker bii ce fà' bkwàa nè mncir ka' nà, wèe fa làa weenɛ àde' wèe ku gee yuu ce wèe kòŋ ka'. Yuu ce wèe à ba gèe yi yu enɛ wèe koŋ bfʉr mo', ce fa' nè wowèe.

Yuu ce nyor kòŋ, a yuu ce Yʉ' Nyʉ̀ yi kòŋ ka'. Yuu ce Yʉ' Nyʉ̀ yi kòŋ, a yuu ce nyor ce kòŋ ka'. Bǔu bbaa ca vi yu à yuu mo'sir ka'. A mbùu ce àde' à gee yuu ce wɛ̌ kòŋ à rgèe ka'.

Wèe gee wa'a njobè' làa ce enɛ̂, “Kòŋ nfʉrò àmbò wɛ̀ kòŋ yò nyor” nà, yi kur mncir wɛɛwɛ.

Sèe fa nàa tu ka', sèe fa gèe tɛ ntee yi bep ŋwɛ̀ mò' ka', sèe fa ko'ndoŋ nè ŋwɛ̀ mò' ka'.

Jisos Krǎis à m fʉr sèe efa bkwàa fà dì' sèe bo ker fà' bkwàa nè yuu mo' ka'. Banɛ wèe tɛɛ tatap. Wèe fa kèr byemi à rfà' bkwàa nè yuu mo' ka'.