Popular Bible Verses from Ñwaè' Táèsaèlonikaè Ce Embenjïì 2

Share

wèe fa mà'shi tɛ ŋwɛ̀ mò' bo' wèe ka' à njɛ̌ɛ kɛ ka'. Tɛ nòŋ ca yi ka' ba, ntèetu ce àlʉ̀simbùu be ba, tɛ ŋwɛ̀ ce e bàa Krǎis vʉ̂. Ca yu ŋwɛ̀ ce e bʉ yi wɛɛ.

À ka' ba yi àmbò wèe, bfʉr wêr, Tata Nyʉ̀ à kòŋ wèe. Yu yer dì' à ryòŋshi Nyʉ̀ à njɛ̀ɛ bèe ce wèe yu njobè' Nyʉ̀ à m ce wèe efa rkɛ̀' tɛ wèe bo koni ryòŋ. Wèe à m koni ryòŋ ca njì enjep yʉ' Nyʉ̀. Yi m gèe wèe à ba brara, ker byemi blǎa mini ce wèe à m byemi àgho.

E be nàa tu enɛ e càa buu wɛɛwɛ ce bèe a ce gʉ'shi àgho enɛ a Nyʉ̀. E gèe wa'a, du niŋ mbe Ndàp Nyʉ̀, cu mbo, lor yi tu enɛ a ye Nyʉ̀.

Tata Jisos Krǎis ba Nyʉ̀ ce e yu yìsèe Tâ, fa wèe cumʉnyaŋ. Nyʉ̀ à m kòŋ sèe a fa sèe ŋger nfesè, a ker ka'ni sèe buu ce sèe à rìŋ enɛ vi be ba. E m gèe buu ca njo' yi ntee bòŋboŋ ce e m tʉr nè sèe. M ce loo mɛnɛ Nyʉ̀ ca fa wèe cumʉnyaŋ, gee tɛ wèe tɛɛ tatap, ce gèe ba buu bbòŋboŋ kèr ce làa ba buu bbòŋboŋ.

À ka' ba njobè' wowèe a m kòŋ mini ca ka', Nyʉ̀ ce gèe wowèe a ce jep, a ce koŋ ba mnde'.

Ŋwɛ̀ bsàrbuu anà be vʉ̀ nè ŋger ce yi lò ese Satàn, gèe ku' mncòo ba buu bbɛ̀ɛ ce bo' bèe àgho enɛ a ku'si ye. E be gèe ku' buu gòr se tɛ e bo bo' bèe ce a ce bʉ àgho. Wowèe a ce bʉ njobè' a m kani à rkòŋ mini ce e m ba gèe tɛ wowèe a lûŋ.

Bsàrbuu vi yu àgho wɛɛ, a ka' ba ba à bsʉ̀ti. Ŋwɛ̀ ce e gèe bsàrbuu anà vi ke' ce yɛɛti àwaŋ ka' yu àgho. Be ba à nfè' ce a fʉr ŋwɛ̀ anà