Popular Bible Verses from Ñwaè' Beâe Koreèn Ce Embenjïì 1

Share

Sèe yoŋshi Nyʉ̀ ce e yu Tàr nè yìsèe Tata Jisos Krâis. E yu Tàr ce e ke koosimnse nè bèe, ker ce fa bèe ŋger à nfè' wɛɛwɛ. E ke fa sèe ŋger à nfè' wɛɛwɛ ce sèe ka' ce yɛ ŋgɛ'. E ke gèe wa'a enɛ ŋwɛ̀ mò' foŋ à ka' ce yɛ ŋgɛ', sèe bo fa ŋgàŋ ŋger nè ŋger ce sèe à koni ese ye.

Ndèe ce sèe à ka' yɛ njɛ̀ɛ ŋgɛ' ce Jisos Krǎis à m yɛ, ka' ŋgɛ' anà à ka' ba gòr se ɛ̀, banɛ a ndèe ce sèe be koni ŋger njo' ye.

Wèr à m ce kwà'shi enɛ wèr à kweŋger wɛɛ. Geewa'a, ŋgɛ' ca à m koni wèr tɛ wèr bo kù lɛ̀ buu wɛɛwɛ mbe mmbo Nyʉ̀ ce e ke fʉr bèe efa rkwe, ke' ba mbe wěr mmbò ka'.

Yu ye Nyʉ̀ ce e gèe sèe à tɛɛ tatap njep Krâis. Yu ye ce e ce sèe à yì bèe, a ker fa sèe ncòo ce e ce dùŋshi enɛ sèe yu yì bèe. E fa yi Yʉ' njep sěe mntee, yi ba àmbò yuu ce e tɛr nè sèe enɛ sèe be koni buu wɛɛwɛ ce e kà' enɛ e be kè fa nè sèe.

Wèr ka' ce yɛ mlù, wèe riŋ enɛ wèr ce yɛ tɛ mi bo fa wèe ŋger, kèr gèe tɛ wèe lûŋ. Nyʉ̀ à ka' fa wèr ŋger, banɛ wee wèe foŋ be koni ŋger anà tɛ wèe bo kur ntee, tɛɛ tatap njep ŋgɛ' ce wèe ce yɛ àmbò wèr ce yɛ na.