Popular Bible Verses from JESAYA 40

Share

Ba ba lapilego o ba nea maatla, ba ba fokolago o ba kgoniša tše ntši.

Masogana a a lapa a kgathala, le ba maatla ba a kgopša ba wa. Ge e le baholofedi ba Morena bona ba fiwa maatla a mafsa, ba hlatloga boka nong; ba kganyela ba sa lape, ba sepela ba sa fele maatla.

A ga o tsebe? A ga o ešo wa kwa? Morena ke Modimo wa neng le wa neng, Mohlodi wa megomo ya lefase; ga a lape, ga a fele maatla, ke yo thlaloganyo e sa fihlelwego.

Lentšu la segoeledi le re: Lekelelanyang tsela ya Morena lešokeng; molaleng le lokiše mmila wa Modimo wa rena!

Bjang bo a omelela; letšoba le a pona; gomme lentšu la Modimo wa rena le eme neng le neng.

Ke mo letago la Morena le tlogo bonala; mme nama ka moka e tlo le bona; gobane go boletše molomo wa Morena.

Dikoti ka moka di tlatšwe; dithaba le meboto a di kokobetšwe; go kgopamilego a go loke; mo go lego makukuno a go latšwe.

Mohlape wa gagwe o tlo o diša bjalo ka modiši; dikwanyana o tlo di goboka, a di kuke a di gokaretše, a hleke tše di amušago.

Llalang le bone tša kua godimo; ke mang e a di hlodilego, a di ntšha bjalo ka mohlape wo o badilwego? A di bitša tšohle ka maina, mo go boati bjo bokaakaa gwa se hlokwe le setee, ka gobane e le yo maatla a magolo.

Ke yena Kokamathetebudi-ya-lefase; mme ba dutšego mo go lona re ka tšie; Moanegaratadima boka kobo, a le bea boka hlaka ya go khuta ka go yona.

Bolelang le Jerusalema wa go mmea pelo, le mo goeletše le re: Tlhabano ya gagwe e fedile, gobane molato wa gagwe o lefilwe; gobane tše a di bonego ka seatla sa Morena ke go otlwa gabedi ka baka la dibe tsa gagwe ka moka.

Lentšu la re: Goelela! Ka re: Ke goelele dife? -- Nama ka moka ke bjang, botse bjohle bja yona bo ka letšoba la naga. Bjang bo a omelela, letšoba le a pona, ge moya wa Modimo o di hwetša. Ka kgonthe, batho ke bjang.

Soo Morena Mong wa bohle; o etla e le yo maatla; o buša ka tsogo la gagwe; tefetšo ya gagwe e mo etile pele.

Homotšang setšhaba sa ka! Se homotšeng! O realo Modimo wa lena.

Ke mang e a elago lewatle ka seatla? A ela legodimo ka menwana? A olela mabu ohle a lefase serotong? Dithaba le meboto a di ela boima? Ke mang molaya moya wa Modimo? Moeletši wa gagwe ke mang a kago mo ruta? O loga maano le mang, a lemošwa a rutwa tsela ya toko, a rutwa tsebo, a laetšwa tsela ya tlhaologanyo?