Popular Bible Verses from MMOLEDI 9

Share

Tšohle tše atla sa gago se di kgonago, di dire ka maatla a gago gobane kua bodulabahu mo o yago gona, ga go na modiro, ga go na kgopolo, ga go tsebo le bohlale.

Ka boela ka bona, ge fa tlase ga letšatši tšhii e se mokitimi, mofenyi e se mogale, bogobe e se bja yo bohlale, lehumo e se la wa tlhaloganyo, go ratwa e se ga wa tsebo. Tšohle di fo ba tlela bohle ka lebaka la tšona.

Thabišana le mosadi wago yo o mo ratago mehla yohle ya bophelo bjago bja lefela; ke yona kabelo ya gago ye Modimo a go fago yona bophelong le tapišong tša gago tše o itapišago ka tšona fa tlase ga letšatši.

Eriye ge, o je bogobe bja gago o thabile, o nwe morara wa gago o rotše pelo; gobane ke kgale Modimo a kgahlwa ke tiro tša gago.

Bohlale bo phala marumo; fela, sesenyi setee se senya botse bjo bontši.

Mantšu a ba bohlale a kwewago go iketlilwe, a phala mokgoši wa mmuši wa mašilo.

Gobane ba ba phelago ba tseba gore ba tlo hwa; mme go bahu ga go se se tsebjago, ga ba sa newa selo, gobane ba lebetšwe.