Popular Bible Verses from MMOLEDI 8

Share

Nna ka reta lethabo; ka gobane motho fa tlase ga letšatši ga a na se se botse, ge e se go ja le go nwa le go thaba. Tšona tšeo a di be nae ditapišong tša gagwe mehleng yeno, Modimo a sa mo file bophelo fa tlase ga letšatši.

Sesenyi se senya galekgolo se phela galelele. Le ge ke realo ke tseba gore bašia-Modimo ba tlo letlegelwa ka ge ba mmoifa.

Gobane tšohle tše di dirwago di na le mohla wa tšona le mokgwa wa tšona; mme motho o atetšwe ke tše mpe.

Ga go e a bušago phefo, a kago thibela phefo; letšatši la go hwa ga le na mmuši. Tlhabanong ga go ne tokologo; le sebe ga se phološe mong wa sona.

Pelo tša bana ba batho di tlala go dira bobe, ka ge go diega kotlo ye e ahloletšwego disenyi.

Lefela le lengwe la mo faseng, ke ge go na le baloki ba go tlelwa ke tše di loketšego mediro ya ba babe; le gona go na le ba babe ba go tlelwa ke tše di loketšego mediro ya baloki. Mme ka re: Le tšeo ke lefela.

Ga a tsebe tša la ka moswana, gobane ga go e a mmotšago tše di tlogo ba gona.