Popular Bible Verses from Revalesen-Hufo Hu'ne 20

Share

Hanki izano agima asimu eri avontafepima kre ontenesimofona, mate vuno teve tirupi atregahie.

Anantera fri'naza vahe zmagogeno, zmagi me'nea vahe'ene, zmagi omne'nea vahe'mo'za, keaga refkohu trate otinageno, avontafe tamina eri vakarentene, magora asimu eri avontafeki, fri'naza vahe'mo'za zamagrama hu'naza zmavuzmavama krente'nea avontafe tamimpinti refko hunezmantegena ke'noe.

Hagi hagerimpima fri'naza vahera, hagerimo'a avreno eme amigeno, fri'zamo'ene, (Hedes) fri vahe kumamo'enena, fri'naza vahera zmavre'za eme aminkeno, Anumzamo'a mago mago'mo'ma hu'nea avu'avate anteno refko huzmantene. Anantera fri'zane, fri vahe kuma'enena matevuno teve tirupi znatregeke uramina'e. E'i ana teve tirura nampa 2 fri'zane.

Anantera tusi'a efeke kini tra kogeno, ana tratema Mni'nemofo avu kore huke monane mopanemokea frakeno, mago kumara omnetfa hu'ne.

Hagi 1 tauseni'a zgekafu evutenigeno'a, Satana kina hunenifintira anagitrenigeno, atiramino nevuno, zge hanati kazigane, zge ufre kazigane rugaraga soparegama ama mopafi mni'naza vahera rezmatga huno, Goku vahe'ene Megok vahe'ene ha'ma hanagura vahera zmazeri atru hugahaze. Ana vahe'mofo nampamo'a hagerinkenafi kasepankna hu'za atru hugahaze.