Popular Bible Verses from Revalesen-Hufo Hu'ne 19

Share

Tagra musenkase huta ra agi amisune, na'ankure sipisipi anentamoma aravema hania kna egeno, ana ne'mofontema maresia a'mo'a retro huno mni'ne.

Hanki zaza kukena'are'ene amotera anage huno krentene, Mika kini vahe'mofo Kini manino, maka ra vahe'mokizmi Ra manine huno krentene.

Hagi monamo'a anagigena efeke hosi afu'mofo agumpi mago ne' mni'negena ke'noe. Ana ne' mofonkura, hugahue hunoma hiaza nehimo'e huza nehu'za tamage nere hu'za nehazamo'e. Fatgo avu'avate refko huno hara nehie hu'ne.

Avurgamo'a teve anefakna nehigeno, asenirera rama'a kini vahe'mofo fetori me'geno, Agrira mago agi avufarera krentene, mago vahe'mo'a ana agia ontahigahianki, Agrake antahine. Ana ne'mo'a korampi re'nea zaza kukena hu'ne. Agi'ama henazana, Anumzamofo Naneke hu'naze.

Ana ne'mofo agipintira tarekaziga asane kazi atiramineakino, ana kazinuti maka kumapi vahera nezmaheno, aeni azompareti kini manino kegva hunezmante'na, hanavenentake Anumzamofo rimpahe knazamo'a, agareti waini regatiti nehiakna huno zmahegahie.

Ana nehazageno ana afi zgane, havige kasnampa vahe'ene zanazerino kina reznante'ne. Ana kasnampa vahe'mo'a, afi zgamofo avure ruzahu ruzahu avame'za eri fore nehuno, ana afi zgamofo nampama eri'naza vahe'ene, afi zgamofo amema'are mono hunentaza vahe'ene rezmataga hu'ne. E'ima rezmatga hu'nea kasnampa vahe'ene ana afi zgane mani'nakeno havere tevava nehia teve tirupi znavre atrenigeke manigaha'e.