Popular Bible Verses from Proveps-Knare Nomaniza 26

Share

Neginagi vahe'mofona neginagi naneke zamirera kenona huozamanto, anama hananana zamagri kna hunka neginagi vahe manigahane. Antahiso'e hutenka neginagi vahe'mo'za, neginagi nanekema hanaza nanekerera, kenona zmia huzamanto, ru zamagra antahisazana knare antahiza eri'none hugahaze.

Kramo'ma amu'ma atitrenere'ma eteno viaza hu'za neginagi vahe'mo'za koma nehaza neginagi zamavu'zmavara hutere nehaze.

Hagege teve rampama omanesigeno'a, tevea rukru huno ontegahie. Hagi vahe zamefi kema hu'zama omanesigeno'a, ha' frama hu'zana omanegosie.

Iza'o kerima asentesimo'a, anama asentesia kerifi agra'a tamisigeno, iza'o havema rezahe huno mrenerinimofona, ana havemo'a ete eramino havema retufeno mrerino nevanimofona eme rehapatigahie.

Neginagi vahe'mo'za amuhama hazazamo'a, ama' antahizane vahe'ma mani'none hu'za antahiza vahera zamagateneraze.

Rumozama ha' frama nehazafima, anintka huno kema hu'zamo'a, kramofo agesare avazu huno viankna nehie.