Popular Bible Verses from Proveps-Knare Nomaniza 14

Share

Mago kamo'a vahe avurera knare hugahianagi, avaririno atuparega vaniana fri'za me'ne.

Vahe'mo'ma rimpama ante fru hunoma mani'zamo'a, avufgamofona asimu amigahie. Hianagi rumofo zante'ma kesanema nehanimofona, ana avu'avamo'a zaferinafi namureno kasriankna hugahie.

Ame' huno zmarimpa ohe vahe'mo'za, ama' antahiza e'nerize. Hianagi hatuma huza zamarimpahe vahe'mo'za, neginagi zmavu'zmava eri ama nehaze. (Jem 1:19-20)

Knare antahizane a'mo'a noma'a erise higeno, naga'amo'a so'e nehie. Hianagi neginagi a'mo'a, noma'ane naga'anena eri haviza nehie.

Ra Anumzamofoma korema huntesimofona, Agra hanave vihu huntenkeno mani'nena, mofavre'amo'za hanave vihufi manigahaze.

Ra Anumzamofoma kore'ma hunteno Agri agorga manizamo'a asimu ami' kapu'i ti me'neankino, vahe'ma ahefri krifu'fintira azeri atregahie.

Knare antahizane vahe'mo'a kva huso'e hu'neno, kefozana agatenere. Hianagi neginagi vahe'mo'a kva huso'e osuno, makazana amane hugahue huno nehie.