Popular Bible Verses from Proveps-Knare Nomaniza 13

Share

Iza'o knare antahizane vahe enema vanoma nehia vahe'mo'a, knare antahiza erigahie. Hianagi neginagi vahe enema tagrote'za vanoma nehaza vahe'mo'za, hazenke erigahaze.

Iza'o agi'ma kegavama huno kema himo'a, agra'a maniza kegva nehie. Hianagi rama'a keagama hania vahe'mo'a, agra'a azeri haviza hugahie.

Iza'o mofavre'amo hazenke nehanigeno knoma amino azeri fatgoma osanuno'a, mofavre'a avesinonte. Hianagi iza'o mofavre'ama avesima nentemo'a, hanavetino azeri fatgo hugahie.

Vahe'mo'za fore hugahie huza amuha nehaza zamo'ma fore'ma osanige'za, zmagu'amo'a haviza hugahie. Hianagi ana zamo'ma e'ama'ma hania zamo'a, asimu ami zafagna hugahie.

Fatgoma huno manizamo'a kva hugantena, knare hunka hazenkea omanesigenka manigahane. Hianagi kefo avu'avamo'a, kumi vahera azeri haviza hugahie.

Revatga hunka havige kantetima eri'sana zgomo'a, ame huno fanane hugahie. Hianagi eri'zama erino, osia eri atruma hute hutema himo'a, rama'a eri atru hugahie.

Avufga ra huno vahe'mofo agorga omani avu'avazamo'a, ha' fra hu'za avreno ne-e. Hianagi avumro kema antahino amagema ante vahe'pina, knare antahizamo'a megahie.

Knare vahe'mo'a mofavre'amo'ene henka negehoma eri sintima haresia zana, ko retro huzmanteteno nefrie. Hianagi kumi vahe'mo'zama fenoma eri atruma haza fenona, fatgo vahe'mo'za erigahaze.

Ama' antahizane mofavremo'a nefa'ma avumroma antesiankea antahigahianagi, veganokano kema hu mofavremo'a, vahe'mo'ma avumroma antesiankea ontahigahie.

Iza'o avumaroma antesaza kema ontahisimofona amunte omnesigeno, agazegu hugahie. Hianagi izano azeri fatgohu kema asamisigeno antahino amage antesimofona, agrira husaga huntegahaze.