Popular Bible Verses from 2 Korinti 5

Share

E'ina hu'negu mago'mo'ma Kraisimpima manisimofona Anumzamo'a azeri kasefa vahe fore nehie. Antahi ani huo, korapa avu'avamo'a fnane nehigeno, kasefa avu'ava fore nehie.

Na'ankure Anumzamo'a kumi'a omnenea ne'mofo Kraisina tagri kumiku, azeri kumi vahekna nehuno, tagri kumira Agumpi erinte'nea zamo, tagrira Anumzamofo avure tazeri fatgo vahera nese.

Na'ankure tagra onke'nonanagi, tamentinti nehune.

Ama ana kasefa huno mani avu'avara Anumzamofontegati e'ne. Kraisimpi tagrira tazeri mago nehuno, erimago huno mani erizana tagri tamine. Na'ankure Anumzamo'a Kraisimpi ama mopafi vahera, Agrane tazeri mago hu'ne, vahe'mo'zama kumi'ma hu'nazana antahizmino nona hunozmante. Hagi erimago huno manizamofo knare naneke huama hanunegu, tagrira tami'ne.

E'ina hu'negu tagra Kraisi agi erita mani'none. Higeno Anumzamo'a vahe'agura tagripi huvazino kea nehie. Ana hita tagra Kraisinku huama nehanunketa tamagra Anumzamo'enena erimago hugahaze.

Hagi Agra miko'mofonku fri'negu, iza'o kasefa huno maninesimo'a, agra'a vesizantera omanigahe. Hianagi zamagriku'ma huno fri'teno oti'nemofo Kraisi avesizante manigahaze. E'ina hu'negu menintetima agafa huno vaniana, vahe'mokizmia amega zamufgarera refko huozmantesune. Ana hu'negu tagranena anahukna huta Kraisina amega avufgare refakora hunte'nonanagi, menina antahi'none anara nosune.

Kraisi avesizamo kva huranteno tazeri onetigeta tagra antahinone, na'ankure magokemo, miko'mofonku huno frine, e'ina hu'negu ana miko'mota fri'none.