Popular Bible Verses from 2 Korinti 4

Share

Hagi negonazantera tavua onkesunanki, onke'nonazante tavua kesune. Na'ankure negona zamoa omanegosie, hianagi okenona zamo'a mevava hugahie.

Ana hu'negu tavresra nosie. Tamage tavufgamo'a frino negasrianagi, knane knanena avamutimofona erikasefa nehie. Hanki meni tagritema osi knazama fore nehiazamo'a, tagrira monafima umani vava hanunaza retro huneranteankita, knare huta monafi umani vava nehuta, knarezama omerisunazamo'a, makazana agateregahie.

Hakare kazigati knazamo'a trentarako nehianagi, ana knazamo'a trentarako nosie, antahintahitimo'a savri hianagi tamentintia notrone. Knaza tamizanagi, Anumzamo'a noratre, tahe tatarazanagi, tazeri haviza nosaze.

Hianagi tagra mopa kavogna hunonkeno zgo'amo mareri'nea fenomo agu'afinka me'neakna hu'none. Tamage hankevea tagritegatira nomeanki, Anumzamofontegati ne-e.

Ama mopafi havige anumzamo, Sata'a zamentinti nosaza vahera antahintahizamia refinetege'za, knare musenkemofo msa Kraisina Anumzamofo amema'a nonkaze.

E'ina hu'negu korapara Anumzamo huno, hanimpina tavimo'a remsa hino hu'nemofo masamo, tagrite emani'neno tavi'a taguafina remsa nehigeta, tagra Jisasi Kraisi avugosa negeta, tagra tusi'a msane hanavene ke'noe.