Popular Bible Verses from 1 Kolinita 5

Share

Tu yaku nuwanuwa ga'etoladina-ma higa vaita hai kaliva tauna givewagana tovetumagana tu mali vevine buye hidauda o matana gi'alalaka o balauma agaidiya givetuvetumagana o kaliva giveyainedi o gufa koyona giyuyu-fa'ila o ka'i lokoloko gikiki'afuna, medema kalivai-nadi keke buye wanamiyami. E, keke bana yami manuweya wanavega'auleni be buye wana'a.

Yami dewa koyona vaita isi amine gitubutubuga-ma wanahegena be beledi keke isi buye hidavilani-ma amine wanayamumu. E, Keliso yami koyona ahe givaihegena fa'ina wayegayega. Tafalolo ana egana Abamaduviviya ana toveya yadi sifi kabi'ona himununa be gi'alika amine, meda Keliso yada sifi ide fa'ideya gi'alika be yada koyona ginavaihegena fa'ina.

Tu badi Yaubada keke hidahalamaneni-ma fa'idiya keke gadagahe, fa'ina badi kalivai-dina iya keke ganavedewayaugidi. Mema keke aku vehimeya. Au Yaubada badi kalivai-dina ginavedewayaugidi. Tu hai Yaubada yana kaliva sa'eyana ginakoyo, medema omi tovetumagana wanavedewayaugina, fa'ina mema ami vehimeya. Fa'ina Veyao Tuwaina ana buki gigahe amine wanahuluva gigayo, Kaliva sa'eyana omi Yaubada yana yo'ogaga agaimiya ginakoyo amine o, wanawavina be ginana. Fa'ina bana kaliva wagana buye hidauda-ma wanawavina be ginana.