Popular Bible Verses from 1 Kolinita 2

Share

Tu iya gavehavehawala Veyao Tuwaina ana buki gigahe amine gigayo, Gavadi gavadi keke tamo hakwadi gida'itadi o ka'i gidanogalidi, gavadi gavadi keke tamo hakwadi tauna nuwane gidanuwenuwedi, medema gaitoma yamumudi Yaubada gikidewedewedi badi yadi nuwanuwa Bana againe hisena-ma fa'idiya.

Tu hai kaliva nuwahinagene Alu'aluwa Mahalina Tauna keke gidamiyami, medema Yaubada Alu'aluwana yana nuwanuwa gikilowena, fa'ina mema vaita iyohoyoho amine bana matane. Gifaniyena fa'ina Alu'aluwa Mahalina anakaibe yana nuwanuwa anafaiweya ginavehawaleda be kana'itahalamanena. Ka'i Alu'aluwa Mahalina Tauna keke nuwahinagedeya gidamiyami kadu keke adafaiweya yana nuwanuwa kana'itahalamaneni.

Hida gaitomai-dina sevasevauyadi tu Yaubada Alu'aluwana gi'iveninisena be ide tovetumagana agaideya gihawavemogataledi. Fa'ina Alu'aluwa Mahalina gaitoma moya'aina ana nuwanuwa gi'itahalamanena. E, kadu Yaubada Tauna yana nuwahinage gihalamane-'owona.

Yaubada keke hida babi ana nuwanuwa gidaveleda. Tauna Alu'aluwana ide tovetumagana agaideya gi'iveninisena be yana nuwanuwa fa'ina ginakivetuvetunuda, ada Yaubada yana abavetala moya'aina ide agaideya kana'itahalamanena fa'ina.

Ada keke hifufu nuwa'abi'abina o ka'i gahe nuwanuwahuyana amine gadalulaumamala o gadavehavehawala keke. Alu'aluwa Mahalina gifaiwalaveleku be yaku laumamala gifaiwala-yo ase'asemi gi'onana. Alu'aluwa Mahalina yana faiwala againe galumamala be yami vetumagana keke tomiyababi yadi nuwahuya againe ginave'inuba, au Yaubada yana faiwala againe ginave'inuba.