Popular Bible Verses from Efeziz 4

Share

Bezit mat an eil e-keñver egile, madelezhus, o pardoniñ an eil d’egile, evel m’en deus Doue pardonet deoc’h ivez e Krist.

e pep izelegezh ha douster gant habaskted, oc’h en em c’houzañv an eil egile gant karantez

Ra ne zeuio ger dizonest ebet eus ho kenoù, met ra vo ho komzoù mat da skoliañ gant talvoudegezh evit ma raint vat d’ar re o c’hlevo.

Ra vo pep c’hwervoni, pep kasoni, pep fulor, pep garmadenn, pep droukkomz kaset kuit eus ho touez, kenkoulz ha pep follentez.

Mar en em lakait e fulor, na bec’hit ket, ra ne guzho ket an heol war ho fulor ha na roit ket digor d’an diaoul.

da ziwiskañ, evit ar pezh a sell ouzh ho puhez tremenet, an den kozh a vrein gant droukc’hoantoù tromplus, d’en em nevesaat dre ar Spered en ho klevidigezh, ha da wiskañ an den nevez, krouet heñvel ouzh Doue, er reizhder hag e santelezh ar wirionez.

oc’h en em stagañ da genderc’hel unvaniezh ar spered dre ere ar peoc’h.

Eñ eo ivez en deus lakaet lod da ebestel, lod all da brofeded, lod all da avielourien, lod all da bastored ha doktored, evit parfetidigezh ar sent, evit labour ar servij hag evit savidigezh korf Krist, betek ma vimp holl deuet d’an unvaniezh er feiz hag en anaoudegezh Mab Doue, da stad an den peurc’hraet da vuzul ar vent peurvat eus Krist

evit na vimp ken bugale vihan, o chom war var ha kaset amañ hag ahont gant pep avel a gredenn dre dromplerezh an dud ha dre o gwidre da dromplañ dre droidellerezh, met, o lavarout ar wirionez er garantez, ma kreskimp en holl draoù en hini a zo ar penn, Krist.