Popular Bible Verses from Мисирдин чиқиш 3

Share

Худа мундақ деди: — Мән «Мәңгү Бар Болғучидурмән». Сән берип уларға: «Мени силәргә ‹ Мәңгү Бар Болғучи › әвәтти», дегин.

Худа униңға: — Мән саңа яр болимән. Сән исраилларни Мисирдин елип чиққандин кейин, силәр бу таққа келип, Маңа ибадәт қилисиләр. Мана бу Мениң сени әвәткәнлигимниң бәлгүси, — деди.

Худа униңға: — Бу йәргә йеқин кәлмә, чоруқлириңни салғин. Чүнки сән туруват­қан йәр муқәддәстур.

Пәрвәрдигар униңға мундақ деди: — Мән хәлқим исраилларниң Мисирда харлиниватқанлиғини көрдүм. Уларниң әмгәк назарәтчилириниң зулмидин қилған налә-пәриятлирини аңлидим. Уларниң азап тартиватқанлиғини билимән. Шуңа Мән уларни мисирлиқларниң қолидин қутқузуп, сүт билән һәсәл еқип туридиған бепаян үнүмлүк зиминға елип бериш үчүн чүштүм. У йәр қананлар, хитлар, аморлар, пәризиләр, һивилар вә йәбусларниң маканидур.

У йәрдә Пәрвәрдигарниң периштәси тикәнликтики ялқунлап йениватқан от ичидин Мусаға туюқсиз көрүнди. Муса тикәнликтә от йениватқан болсиму, тикәнликниң көйүп кәтмәйватқанлиғини көрди.

Шуңа әнди сени Мисир падишасиниң алдиға әвәтимән. Берип, Өз хәлқим болған исраилларни Мисирдин елип чиқ.