Popular Bible Verses from Zabuli 143

Share

Undanguse kweneza vyoulingugana, kwa vila hegwe ndo Nguluwi wa heni. Muhe wa hegwe unojile undongoze kuli nzila inojile.

Mitondo undajile igano lya kwimilila lya hegwe, kwa vila nandikuwichila kitumbila kwa heni. Undanguse vyoilinguganigwa kudita, kwa vila ndangukugalila nhumbula ya heni.

Gwa Mkulu Nguluwi, undohole kulawa kwa wang'honyo wa heni, kwa vila kwa hegwe ndangubilimila kikala goya.

Kwa chiwalo cha itagwa lya hegwe, Mkulu Nguluwi, uwamile ukomu wa heni, umbuse kuli magazo kwa chiwalo cha kutanganika kwa hegwe.

Uhulichize kulanda kwa heni, gwa Mkulu Nguluwi. Uwiche goya ikutu lya hegwe kwa chiwalo cha kulanda kwa heni kwa isungu. Kwa chiwalo cha kukundigwa na kutanganika kwa hegwe, unyidichile.

Gwa Mkulu Nguluwi, unyidichile himahima, kwa vila nangozola ng'hatu. Uleche kivisa kutali na heni, leka ndeche kuwa kota wala walingudulika kuli isi ya wabagame.

Ndangugakumbuchila mazuwa ga katali, ndangijesa kwa chiwalo cha mijito ja hegwe jeng'ha, ndangulola mijito jikoligwe kwa moko ga hegwe.