Popular Bible Verses from Nhelo 16

Share

Umhe Mkulu Nguluwi choneche choulingudita, na mbuli za hegwe zokulutila goya.

Munhu koweza kudita goyalingijesa kudita, ila Mkulu Nguluwi kangulongozaga chila choyalingudita.

Ulonzi wa isungu ndo kota hanombwa, ndo unona kuli nhumbula na una mong'ho kuli lukuli.

Munhu kangijesaga kudita mbuli zoyogana heye, ila ulonzi wa kuduma ndo wa heye Mkulu Nguluwi.

Yohawele mbewe wa kuzudila ndo kanoga kusinda yawele na mong'ho, yalinguilongoza nhumbula ya heye yuye ndo kanoga kusinda yula yalinguuhola muji kwa lupichi.

Kidaya kwangulongolaga kudumya, nhumbula ya kidaya yangulongolaga kugwa.

Madito ga munhu gangonekaga kwa heye kota ga goya, ila Mkulu Nguluwi kangujezaga kunuwila kwa munhu.

Yalingibatilila malanguso, mbuli za heye zomlutila goya, kotambichizwa munhu yalingitumbila kwa Mkulu Nguluwi.

Fola lufufu ludo kuli kutanganika, kusinda kuwa na vinji kuli wihe.

Hana nzila youlingijesa kota ya goya, ila kuli kuduma yoweza kukulongoza kuli kubagama.

Munhu yajilile kangwenezaga kilewa, yalinguheha kanguwaditaga wanhu webagule na goloko.