Popular Bible Verses from Deoteronomia 1

Share

NY TOMPO Andriamanitrareo izay mandeha eo anoloanareo, Izy no hiady ho anareo, tahaka izay rehetra nataony ho anareo tany Ejipta teo imasonareo, ary tany an-tany efitra, izay nahitanao ny fitondran’NY TOMPO Andriamanitrao anao tahaka ny fitondran’ny olona ny zanany, dia teny amin’ny lalana rehetra izay nalehanareo mandra-pahatonganareo teto amin’ity toerana ity.

NY TOMPO, Andriamanitry ny razanareo, anie hampitombo anareo ho arivo toraka izao ary hitahy anareo, araka izay nolazainy taminareo!

NY TOMPO Andriamanitsika niteny tamintsika tany Horeba hoe: Ela izay ny nitoeranareo teto amin’ity tendrombohitra ity

Indro, efa natolotro eo anoloanareo ny tany; idiro ka raiso ho lovanao ny tany izay efa nianianan’NY TOMPO tamin’ny razanareo, dia i Abrahama sy Isaka ary i Jakoba, homena azy sy ny taranany mandimby azy.

Aza mizaha tavan’olona amin’ny fitsarana fa henoy toy ny lehibe ny kely; aza matahotra olona akory, fa an’Andriamanitra ny fitsarana; ary raha misy raharaha sarotra loatra aminareo dia ento etỳ amiko mba hohenoiko.