Popular Bible Verses from A Matiye Sõng 21

Share

Bũmb ning fãa y sẽn na n kos ne tẽeb kãsenga, y na n paam-a lame.»

A Zezi yeel-b lame: «Sɩd-sɩda m yet-y lame tɩ y sã n tar tẽeb sẽn ka mi sãmbg ba bilfu, ka mam sẽn maan kankanga bal la y na n tõog n maan ye; ba y sã n yeel tãngã sẽn tondã: ‹Yɩk n lʋɩ koomẽ wã›, na n yɩɩ boto.

Sẽn da be-b a Zezi taoor la b poorẽ da naaga taab n moonẽ: «A Daviid biiga paam pẽgre, kilill! Wẽnd sẽn tʋm a soaba paam pẽgre, b pẽgr kul sa-gãndo! Kilill!»

B yeelame: «B gʋlsa me: mam dooga na n boolame tɩ pʋʋsg roogo, la yãmb dɩk-a lame n maand fãadb roogo.»

«Yeel-y Siõ bi-pugla, ad-f dĩm sẽn wat f nengẽ, a sẽn ka baood faongã, a zomba bõanyãanga, a zomba zɩɩb-zɩt biiga.»

A Zezi yeel-b lame: «Yãmb zɩ n karem sebr sõng pʋgẽ: ‹Kugr ning metba sẽn bas kɛɛngã, kug kãng n lebg rooga sũuri. Dẽ yaa Wẽnnaam tʋʋmde, la d neeme t'a toga ne pẽgre.›

M yet-y lame tɩ Wẽnd Rĩunga tʋʋmde, b na n deeg-a-la y nugẽ n kõ neb a taaba sẽn na n sõng t'a wom biisi. [