Popular Bible Verses from 2KORẼNT RÃMBA 5

Share

Ned sã n kẽ Krista a lebga nin-paalle, nin-kʋdga menemame tɩ paalla led a zĩiga.

Ned ning sẽn ka maana yel-wẽndã, yẽ soab basame tɩ b tʋk-a yel-wẽnd zɩɩb, sẽn na n yɩlẽ bala tɩ Wẽnd tũ a maasem n pids tõnd ne b sõmblem.

D kẽnda ne tẽebo, ka ne d nina vẽenem ye.

La fãa yita Wẽnd nengẽ, bãmb tũu Krista maasem n maneg tõnd yell ne bãmba la b kõ-d la maneg taab yell ne tʋʋmd ning d sẽn deeg b nengẽ wã. Yaa Wẽnd meng n da tũ Krista n wẽnemd dũniya neng n le tees b menga; b basa ninsaal beegr taale la b kõ tõnd zelemd sẽn na n gom n maneg d taab yelle.

Tõnd tʋʋmd yaa d deeg Krista zĩiga. Yaa wa Wẽnd sagenda ne tõnd noore. Yaa rẽ la d kot-y, Krista yĩnga, tɩ y maneg y yell ne Wẽnde.

B sẽn ki fãa gill yĩngã, yaa sẽn na n yɩlẽ tɩ sẽn vɩ-ba da le vɩɩnd d mens yĩng ye, b vɩɩnd sẽn ki-a la sẽn vʋʋg-a b fãa yĩnga. Woto wã d ka le ne ned ba a ye ne ninsaal nif ye. Ba sã n da yaa ne d nin la d da bãng Krista, ka boto marsã la d le get-b ye.

A Zezi Krista nonglem rɩdgd-d lame tɩ d tags tɩ nin-yend sã n ki neb fãa yĩngã, fãa n naag n ki.