Popular Bible Verses from 2KORẼNT RÃMBA 1

Share

Bɩ Wẽnd la d Soaal a Zezi Krista Ba, nimbãan-zoeer Ba, toog buud fãa yoalsdã, paam barka! Bãmb n maasd tõnd sũuri d namsga pʋgẽ, la b meng sẽn maasd d sũurã, bãmb n sõngd tõndo tɩ d me maasd d taab sũuri, b sẽn zĩ ne toog ning fãa.

Wala Krista namsga sẽn lebg yõod ka tɛk tõnd yĩnga, boto me, ne Krista maasem, d sũ-noog lebga zembala.

Sɩda tõnd meng d toore n sak tɩ b paalg tõnd d kũum bʋʋdo la woto d bãngame tɩ d ka tog n teeg d meng ye. Yaa Wẽnd la d tog n teeg tɩ bãmb n vʋʋgd sẽn ki.

Wẽnd n vigl yãmb ne maam Krista maasmẽ la b taag tõnd ne b ka-sõngo. Bãmb n ning b bãnd tõnd dĩirẽ la b pids tõnd sũuri ne a Vʋʋsem Sõng kũuni.

D sã n namsdẽ, yaa yãmb sũur bʋkr yĩnga la y fãagre. D sũura sã n bʋke, yãmb me rẽnda na bʋke tɩ y sak wakat fãa, namsg niyns tõnd me sẽn namsde.