Popular Bible Verses from Loo 3

Share

tsua qhov txhua tug puavleej muaj txem hab poob ntawm Vaajtswv tug fwjchim ci ntsaa ab lawm, tassws Vaajtswv muaj txujkev hlub txhad pub dawb rua puab ua tau tug ncaaj nceeg vem qhov kws Yexu Kheto txhwv puab dim lub txem.

Txujkev ncaaj nceeg kws Vaajtswv pub vem yog ntseeg Yexu Kheto, yog pub rua txhua tug kws ntseeg, tsw suav tas ib leeg txawv ib leeg

Vaajtswv tsaa Yexu ua tug kws muab Yexu cov ntshaav ntxuav txhua tug kws ntseeg lub txem. Tej nuav txhad ua kuas pum txujkev ncaaj nceeg kws Vaajtswv pub vem nwg ua sab ntev tsw rau txem rua tej kev txhum kws ua lug lawd, sub txhad ua nwg txujkev ncaaj nceeg tshwm rua cov tuabneeg tam nuav hab qha tas nwg yog tug ncaaj nceeg hab suav tas tug kws ntseeg Yexu yog tug ncaaj nceeg.

Vem qhov kws xyum lawv le txuj kevcai, Vaajtswv tsw pum muaj ib tug twg yuav raug suav tas ncaaj nceeg, tsua qhov txuj kevcai hov qha kuas peb paub txug lub txem xwb.

Lawv le tub sau ca has tas, “Tsw muaj ib tug ncaaj nceeg, tsw muaj ib tug hlo le. Tsw muaj ib tug nkaag sab, tsw muaj ib tug nrhav Vaajtswv. Puab txhua tug yuam kev taag, hab puab phem taag huvsw ib yaam nkaus, tsw muaj ib tug ua zoo, tsw muaj hlo le.”

Peb paub tas tuabneeg raug suav tas ncaaj nceeg yog vem nwg ntseeg tsw yog qhov kws nwg xyum lawv le txuj kevcai.

Tsw tau le. Txawm yog tuabneeg txhua tug daag kuj thov ca Vaajtswv ua tug tseeb, lawv le kws sau ca has tas, “sub txhad pum tas koj ncaaj nceeg huv koj tej lug, hab kov yeej rua thaus koj txav txem.”