Popular Bible Verses from Mathai 21

Share

Yog mej ntseeg tag mas mej yeej yuav tau txhua yaam kws mej thov.”

Yexu teb puab tas, “Kuv has tseeb rua mej tas, yog mej ntseeg tag hab lub sab tsw ywj faab ywj fwj, tsw yog mej yuav ua tau ib yaam le kuv ua rua tsob txwv cua nuav xwb, mej yuav has rua lub roob nuav tas, ‘Ca le rhu hlo ntaab plawg rua huv havtxwv,’ los yuav muaj le ntawd.

Cov tuabneeg kws moog ua nwg ntej hab cov kws lawv nwg qaab kuj qw has tas, “Hauxana rua Tavi tug Tub. Tug kws tuaj huv Yawmsaub lub npe tau nyob kaaj sab lug.” “Hauxana rua sau ntuj kws sab kawg nkaus.”

Nwg has rua puab tas, “Tub muaj lug sau ca has tas, ‘Kuv lub tuam tsev yuav hu tas lub tsev kws thov Vaajtswv,’ tassws mej muab ua qhov rua tub saab nkaum.”

“Ca le has rua Xi‑oo tug ntxhais has tas, ‘Saib maj, koj tug vaajntxwv saamswm lug cuag koj. Nwg txu nwg tug fwjchim hab caij ib tug neeg luav lug, yog caij mivnyuas neeg luav.’ ”

Yexu has rua puab tas, “Mej tsw tau nyeem huv Vaajtswv phoo ntawv lov? Qhov kws has tas, “ ‘Lub pob zeb kws cov Kws ua tsev muab xyeeb tseg lawm tub muab lug teeb ua lub thawj rua ntawm kaum tsev lawm. Tej nuav yog tug Tswv ua, yog yaam phemfwj kws peb qhov muag pum.’

“Vem le nuav kuv has rua mej tas, Vaajtswv lub tebchaws yuav raug muab rhu ntawm mej moog pub rua ib haiv tuabneeg kws txw txwv phim lub tebchaws hov.