Popular Bible Verses from Alawii 19

Share

Ndũkeerĩhagĩrie harĩ mũndũ o wothe kana ũmũiguagĩre ũũru; eendaga mũndũ ũrĩa ũngĩ o ta ũrĩa wĩyendeete wee mwene. Niĩ nĩ niĩ MWATHANI.

Mũtikeeharũrangage o na kana mwĩtemengage mĩĩrĩ rĩrĩa mũracakaĩra arĩa makuĩte. Niĩ nĩ niĩ MWATHANI.

“Arĩria mũingĩ wothe wa Isiraeli ũwĩre atĩrĩ: No nginya mũtuĩke atheru, tondũ niĩ, MWATHANI Ngai wanyu, ndĩ mũtheru.

“Ndũgaikarage ũrĩ na rũthũũro ngoroinĩ yaku nĩ ũndũ wa mũndũ ũrĩa ũngĩ; iguithanagia naake nĩguo ndũkaae kwĩhia nĩ ũndũ wake.

“Mũtikaahooyage kĩrĩra kũrĩ andũ arĩa maragũranagĩra na arĩa maroganaga. Mweka ũguo-rĩ, nĩmũrĩgwatagwo nĩ thaahu. Niĩ nĩ niĩ MWATHANI Ngai wanyu.

Ndũkaanoorũũre ũgĩcuukaga andũ arĩa angĩ. Ndũkaanage kũruta ũira hĩndĩ ĩrĩa mũndũ ũrĩa ũngĩ araciirithio angĩkorwo ũira ũcio waku no ũmũteithĩrĩrie. Niĩ nĩ niĩ MWATHANI.