Popular Bible Verses from Valoma 3

Share

mwaa uti vanditega na kupalavalela lishangelo lyake Nnungu vavalangiligwa kuva ishaliya muumonyo wake kenga inudyo kwaindila yakwambola kupagwíte nkati mumwe Klistu Yesu.

doni, ishaliya yake Nnungu kwaindila yakunkulupila Yesu Klistu kwa avalá uti vankulupíla nae. Hakupali kuvilingananga

Nae jo, Nnungu andimumya kenga shadaka shakudimanga shitundi shake kwamyadi vyake kwaindila yalikulupililo kwambangidya dashi ililodye ishaliya yake mwaa kwaupole wake, andíleka madambi akunyuma pakulota alodye ishaliya yake muwakati au na ave waishaliya namomo wakummalangilila ishaliya aijá ánkulupila Yesu.

mwaa kwaindila yashimadengo shalilamulo hapali álota kuvalangiligwa kuva ishaliya pamevo pake pakuva kwaindila yalilamulo inkutadya lidambi limanyike.

kenga indyandikigwa, “Hapali waishaliya ata jumo, hapali munu ámanya, na hapali ánnambela Nnungu. Uti vandyashalanga, kwaunapamo vandilitenda vákave mana. Hapali átandedya wambone, kulamana na jumo vela.

Mwaa wetu tunkwakikisha kenga munu ankuvalangiligwa ishaliya kwalikulupililo lyapukanánga na shimadengo shalilamulo.

Ata padyoko vela! Nneke Nnungu ave waumwiu ata ikava kenga kula munu ni wakushang'apa kenga indyandikigwa, “pakulota uvenavo ishaliya mumalove ako, na paukumu po, uteme.”