Popular Bible Verses from Nhiara 18

Share

Daud lirni: A ralmu nod rer lia O'a MATROMA, a ru'ru-la'yu de eneknek O'a.

Yoma o' ed mak kal ruri-lai mai a'u, totpena awualerna a arwa'lu harahu re. O' ed mak ktulan mai a'u pede arieiye'er targa lutru yaro'wa genni.

MATRO'MU emeknekama wo'or watu niutni mak ka'ara yaro'wa genni (benteng) mak nhi'inde a'uyade'ela. Uplerlawnu emeknekama wo'or wat muaka nhi'inde a'uyaheu lia, me emekwalima keliau-halwa'an mak kaheu reri a'u, yoma uro'wa targ a lia nayanni. E' de Naruri-nalai pede Namori-nalewn a'u.

A arwa'lu re rtokal rtarg oleka tniokla la a ga'yu ralamni totpa hota rwutu-rkohog a' pua rodia a lia matmiati ralamni. Alier tar olek la matmiati-molmuolu ralamni yoma emeknekama gera wawuau liawna nma nwau dioin a'u pa alier olek la kowlora-pah'a meti.

La'pa rlernana riy maka khu'ru-khelma lol yawa, de Omrieiya la mormiori-lewlewna, mere la'pa riy mak katulu-kapetna de, Omutowra la yawa.

Yoma Uplerlawna ida Nmeh'a to'a, ITMATROMLAWANNI inhatta. E' nanpena emeknekama wo'or wat muaka nhi'inde a'uyaheu lia pa Nruwun reri-na'ahla reri a'u.

Honona re wuhurni-tekalli, me preheni-mkaini re ema rmakuk tiarga, ne la'a mak karo'wa tar mua'ta la lutur watu la' ar ralma mana rlergot pa rran limni, de rdiwdiwra-rdada'ala.