Popular Bible Verses from Nhiara 146

Share

Mere unut lawan la riy maka kha'ar aranni la Yakop Uplerlawanni, de ITMATROMLAWANNI Makdenrer die, mak nhi'inde Ntulla-nsayni rira. Riy mak kola tieru-kawur nehla la Uplerlawna de plola pa hota nlernana unut lawna.

Yana mhia'ar ralammi la riy maka rodi plolli re, yoma ir nek de rimormior miaka edonna kodia mori-lewan tiy miy.

E' ed maka kodniana riy mak riy ratowar reria, me Nala riy mak kakleha-kaplara re pa rlernana apun pepehera. ORGAHI-ORHA'A ed maka kalgota riy makden la roma nhio'la ralamni. Me Nhi'a riy maka matni kyata re pa rkalwiedwa. La'pa mak ktuin olekwa mana Nala pa rapriri, me Ntulla-nsaynia riy maka kaploi-kaple'era.

E' ed mak khi' nana lyanti nora nohkeran di, me tah'i lawna nora mniotni re honona. ORGAHI-ORHA'A de Nhi' nan hya' ed maka Enakot targa oleka, ne hota Nhi' emkade pa nodi liarni.

Nruwun reri-na'ahla reria riy mak kado'ona-kadakna la riy nohoni-raini. E' ed maka ktulan la pat makapalu, me a'na riyi patyata, mere Nwayotlia riy yatyatni re nnia'ohma-nniakatni.