Popular Bible Verses from Nhiara 119

Share

Lirmu de ed mak kodia wa'du la a la'ku. Me nhi' lelerni la loi talan maka a'u la' lola.

O wniatutu-wniaye'emu honona de awuatierun targa la a ih'ru-ralmu, totpena yana aghi'a do'a-hal la' O'a.

La' talan emkameni pede riy makden ma'ta la tuwari-laweru lewatni hota ratiaka inonni pa yana rler la do'a-hala ralamni? Hota rlernohor reria O lirmu-tunmu de, Matroma totpena yana rler la do'a-hala ralamni.

De riy maka ka'unni-kamta'ata la'a hya' maka ITMATROMLAWANNI ha Nakot oleka re wa, pa rala ir ralma ploi-ple'erni pa rat niohor memn E'a, de hota ralamni rahepuepru.

Yoma la' O' nanpena ed maka kodnian a lia'a hya' to'a. Me la'pa emkameni ho'mana O' ed mak kruwun reri a'u. Uhnia'ar to'ola O'a, Matroma onnila hya' ed maka Omukottarg oleka wa.

Mhi' a' pua a nhiortu yeher to'ama naphyari lia O deulu-tatarmu re, totpena agala a ralmu tetema pa aliernohor reria.

Mtiulan mai a'u totpena a ralma-rio'ru ndawar rer miamain la O deulmu-tatarmu. Yana awuaror nohor reria kupna-kai re'a-tniaru.

Alier la sniusa ralamni onnila Omukmua a'u MATROMA, mere ha nodia kalwieda-paitiota mai a'u yoma la' talan emkade pede awuatut lia liernohora reria hya' ed maka ha Mukota re.

La' ler maka alier la kropna-krieutu de nnio'omu de ed mak kodia a lia'a ralam mtiertierannu. Aliernana mormiori-dardiari onnila hya' ed maka Mukottarg oleka wa.

Awuak de Mtiutga loimu-talanmu mai a'u totpa aliernohora O lirmu-tunmu re yoma hade ed mak khi' a ralmu pa nahepru.

MATROMA, Mpuatutg a'u totpena agat niohora la'a hya' maka ha Mue'er taru-mtiatar taru re. Totpena aliernohora pa nodi liarni pa la nhoru.

A nhi'wu-nhio'nu namkoha-namnanin tar lia'a a sniu'su ralamni, mere Matromlawnu ne, Mhi' aruri-alai nian a'u emekto'ama hya' ed maka Mukot targa oleka de.

MATROMA, a ralmu nal nana O nie'ermu-tniatarmu, pede la' lera-lera nekpa a'g e wuarora-wualaiya re.